Frístund - Grundasel

Samvinna – Traust – Virðing

Beinn sími í Frístund 433 1425

Frístundaheimilið Grundasel er starfrækt fyrir börn í 1. – 2. bekk í Grundaskóla. Foreldrum/forráðamönnum gefst því kostur á að skrá börnin í skipulagt frístundastarf, eftir að skóladegi lýkur.

Haustið 2017 var sú breyting gerð á starfi Grundasels að nemendur í 3. og 4. bekk fara í frístund í Þorpinu, félagsmiðstöð Akraneskaupstaðar.

Opnunartími

Frístund er opin til kl. 16:15 alla daga sem skólinn starfar, einnig á skipulagsdögum kennara. Lokað er í vetrarfríum og lögbundnum skólafríum (t.d. öskudag). Á haustin byrjar frístund sama dag og skólinn hefst og lokar á vorin á síðasta skóladegi fyrir sumarfrí.

Markmið

Markmið Grundasels er að hver einstaklingur fái að njóta sín í tómstundarstarfi þar sem allir ættu að geta fundið eitthvað við sitt hæfi og þroskast í umhverfi sem einkennist af hlýju, öryggi og virðingu. Lögð er áhersla á að þroska félagslega færni í samskiptum í gegnum leik og starf, sem og virðingu fyrir sjálfum sér, öðrum og umhverfi sínu.

Daglegt starf

Við leggjum áherslu á að hafa fjölbreytni í vali svo allir geti fundið eitthvað við sitt hæfi. Við bjóðum upp á hefðbundið val, (t.d. teikna, lita, playmó, legó, dúkkó, bíló o.fl), útiveru og klúbbastarf. Á föstudögum er boðið upp á bíó.

Hressing

Boðið er upp á kaffitíma þar sem börnunum er boðið upp á brauð, hrökkbrauð, álegg, grænmeti, ávexti, mjólk og vatn. Við legjum upp með að hafa hollt og gott mataræði og reynum að hafa úrvalið sem fjölbreyttast.

Gjaldskrá (2020-2021)

Foreldrar þurfa að lágmarki að greiða fyrir 20 klst. á mánuði (þó viðvera barns nái ekki 20 klst á mánuði).

1 klukkustund 338 kr.-
Síðdegishressing 128 kr.-

Afsláttarkjör (2020-2021)

Einstæðir foreldrar fá 35% afslátt af dvalargjaldi Þeir þurfa að sækja um það sérstaklega.

1 klukkustund 220 kr.-

Systkinaafsláttur:

Yngsta barn greiðir fullt gjald.
Annað barn greiðir 50% af gjaldi.
Þriðja barn greiðir 25% af gjaldi.

Deildarstjóri Grundasels er Edda Ósk Einarsdóttir
Sími: 854-1324
Netfang: fristund@grundaskoli.is