Vatnssíu verkefni í 8. bekk

Vatnssíu verkefni í 8. bekk

Sem hluti af náttúrufræðiverkefni í 8. bekk útbjuggu nemendur vatnssíu. Í það þurftu þau 2L flösku ásamt bómul, grysju og teyju til að búa til síu á stútinn.

Ofan í flöskuna fengu þau svo grófa möl, fína möl, fínan sand og spýtukurl til að setja í flöskuna sem notað er til að hreinsa vatnið.

Nemendur unnu tvö og tvö saman til að útbúa síuna sína með mismunandi upplýsingum. Þau drógu land í heiminum, sumir voru með góðar upplýsingar en aðrir þurftu að finna út úr því hvað virkar best. Vatnið kom misvel út.

Nemendur áttu svo að gera kynningu á landinu sínu og hvernig gekk að leysa verkefnið. Leiðbeiningarnar voru mismunandi eftir því hvaða land þau voru með. Sumir máttu nota tölvur en aðrir einungis blýant.