Útikennsla á Langasandi í 2.bekk

Kallað eftir framboðum til Skólaráðs Grundaskóla og í stjórn Foreldrafélags skólans Fulltrúar foreldra í skólaráð Grundaskóla Nú þarf að kjósa í skólaráðið okkar og því viljum við vekja athygli allra á að kosið verður í ráðið þann 15. sept. n.k. Þeir sem hafa hug á að bjóða sig fram sem fulltrúar foreldra (sjá nánar hér fyrir neðan) eru hvattir til að setja sig í samband við skrifstofu Grundaskóla ( grundaskoli@grundaskoli.is ) eða í síma 433-1400 og tilkynna um framboð. Helstu verkefni: Við grunnskóla skal starfa skólaráð sem er samráðsvettvangur skólastjóra og skólasamfélags um skólahald. Skólaráð tekur þátt í stefnumörkun fyrir skólann og mótun sérkenna hans. Skólaráð fjallar um skólanámskrá skólans, árlega starfsáætlun, rekstrar­ áætlun og aðrar áætlanir um skólastarfið. Skólaráð skal fá til umsagnar áætlanir um fyrirhugaðar meiri háttar breytingar á skólahaldi og starfsemi skóla áður en endanleg ákvörðun um þær er tekin. Skólaráð fylgist almennt með öryggi, aðbúnaði og almennri velferð nemenda. Skólaráð starfar samkvæmt reglugerð um skólaráð við grunnskóla. Fulltrúar eftirtalinna sitja í Skólaráði Grundaskóla Skólastjóri: B er ábyrgð á stofnun skólaráðs, boðar fundi og leiðir starf þess. Aðstoðarskólastjóri eða annar staðgengill er varamaður hans í skólaráði. Kennarar: Tveir fulltrúar kennara eru kosnir á kennarafundi og tveir til vara. Annað starfsfólk: Einn fulltrúi annars starfsfólks er kosinn á starfsmannafundi og einn til vara. Foreldrar: Tveir fulltrúar foreldra skulu kosnir og tveir til vara. Nemendur: Tveir fulltrúar nemenda skulu kosnir samkvæmt starfsreglum nemendafélags og tveir til vara. Fulltrúi grenndarsamfélags: Einn fulltrúi Hollvinafélags Grundaskóla og einn til vara eru fulltrúar úr grenndarsamfélaginu. Skólaráð getur tekið ákvörðun um að boða einstaklinga á fundi til að veita upplýsingar eða ráðgjöf í einstökum málum. Framboðsfrestur til Skólaráðs Grundaskóla rennur út 12. sept. n.k.

Alþjóðlegi treyjudagurinn til styrktar krabbameinssjúkum börnum var í dag. Nemendur Grundaskóla létu sitt ekki eftir liggja og mættu í skólann í hinum ýmsu keppnistreyjum. Að sjálfsögðu var ÍA treyjan áberandi en fjölbreytnin var við völd til að vekja athygli á mikilvægu baráttumáli.

Nú er 6. árið í Grundaskóla hjá árgangi 2015 hafið. Við sem vinnum með krökkunum getum ekki séð annað en að þau séu full af orku og ættu að geta nýtt hana til góðra verka í vetur.  Við nýttum góða veðrið í vikunni og fórum á Langasand.

Í unglingadeild Grundaskóla er námskeiðabraut - Örnámskeið fyrir 8.-10.bekk Það er á fimmtudögum. Nemendur fá kynningar og tækifæri til að velja sér af eftirfarandi auglýsingum þetta haustið fyrir þessar tvær lotur sem eru fyrir jól.

Enn bætist í fjölbreytileika Grundaskóla og hafa nemendur skólans gaman af. Þessir nýnemar hafa vakið mikla athygli og margir bíða spenntir eftir að geta tekið þá úr búrinu til að skoða betur, en nú eru þeir að stækka og þroskast. Það verður gaman að sjá hvernig þessi vinna þróast í vetur. Förustafir eru mjög vinsæl námsdýr í skólum og einföld gæludýr vegna þess hve auðvelt er að hugsa um þá. Þeir eru heillandi skordýr sem eru þekktust fyrir einstaka feluliti og líkamslögun sem líkist spýtum, greinum eða laufblöðum. Þeir bita ekki eða fljúga ef maður heldur á þeim reyna þeir frekar að standa alveg kyrrir eða labba hægt yfir á næstu hendi. Þar sem þeir geta hvorki flogið né stökkið, er mjög auðvelt og streitulaust að sýna nemendum þá, taka þá upp úr búrinu og leyfa þeim að skríða um hendur án þess að hætta sé á að þeir fljúgi burt. Það sem þarf að hafa í huga þegar umgengist er Förustafi er aðallega dýrið sjálft þar sem þetta er mjög viðkvæm dýr.

Í tilefni af skólahlaupinu sem haldið var á föstudag var pylsuveisla í Grundaskóla. Hér koma nokkrar myndir.

Hið árlega skólahlaup var haldið í blíðskaparveðri í dag. Mikil og góð þátttaka var í hlaupinu og var gaman að sjá foreldra og ömmur taka þátt ásamt nemendum og starfsmönnum.  Þetta er skemmtileg hefð og skapast alltaf mikil og góð stemning á þessum degi.

Í unglingadeild Grundaskóla er námskeiðabraut - Aðalval, fyrir 8.-9.bekk Það er á miðvikudögum og föstudögum. Nemendur fá kynningar og tækifæri til að velja sér af eftirfarandi auglýsingum þetta haustið fyrir þessar tvær lotur sem eru fyrir jól.