Skólahald næstu daga – ekkert mötuneyti

Kennsla hefst á morgun þriðjudaginn 4. janúar samkvæmt stundaskrá í hverjum árgangi. Vegna fjölda smita í samfélaginu mun starfsemi í mötuneyti hins vegar falla niður fyrstu dagana, til þess að uppfylla opinberar kröfur um sóttvarnir. Sú ákvörðun verður endurskoðuð í ljósi stöðunnar og munum við upplýsa foreldra og forráðamenn um breytt fyrirkomulag þegar ákvörðun hefur verið tekin með framhaldið.

Börn í 1. - 5. bekk eiga að hafa nesti með sér í skólann og geta neytt þess í hádegishléi. 6. – 9. bekkur hefur val um að fara heim í hádegismat eða koma með nesti. Athugið að ekki er aðstaða til að hita nesti fyrir nemendur í skólanum. Óbreytt skipulag er hjá 10. bekk í FVA.

Ljóst er að smittíðni í samfélaginu er mikil og verulega reynir á sóttvarnir. Skólastjórn vill hvetja foreldra og starfsmenn til að huga vel að persónulegum smitvörnum og fara í próf hjá heilbrigðisyfirvöldum ef grunur er um smit.

Bestu kveðjur,

Skólastjórn