Grundaskóli kominn í "jólabúning"

Síðustu daga hafa nemendur og starfsmenn Grundaskóla unnið að því að koma upp jólaskreytingum í skólanum og gera hann sem glæsilegastan fyrir jólahátíðina. Miðrými skólans er þegar komið í jólabúning og finnst gestum og gangandi rýmið allt hið glæsilegasta. Jólaseríur lýsa upp loftin á göngunum og gefa glæsilega lýsingu. Nú eru aðeins tvær vikur fram að jólaleyfi og þrátt fyrir öflugar sóttvarnir í skólanum er margt á dagskrá hjá öllum árgöngum. Þar má mefna glæsilega leiksýningu hjá 7. bekk, söng skólakórsins, litlu jólin o.m.fl.