grundaskoli

Plokk hjá 2. bekk

Tue, 28 Apr 2026 07:25:51 GMT

Krökkunum í 2. bekk er annt um bæinn sinn og tína upp rusl sem þau sjá í umhverfinu.

Þessir duglegu krakkar tíndu í nokkra poka á leiðinni upp í skógrækt í útikennslu.

Líf og fjör í Frístund

Fri, 24 Apr 2026 08:24:14 GMT

Síðustu vikur höfum við verið að rækta allskonar plöntur, börnin hafa skreytt dósir og valið sér blóm eða matjurtir til að rækta.

Við sáningu höfum við skoðað saman hversu ólík fræin eru, sum eru lítil og önnur stór, sum eru dökk og önnur ljós en öll verða þau nú samt af ólíkum og fallegum plöntum.

Við höfum átt fræðandi og góðar umræður um fjölbreytileika og mikilvægi þess að sýna hvort öðru virðingu.

Í síðustu viku tókum við til lóðinni okkar, margar hendur vinna létt verk svo það tók okkur ekki langann tíma að tína saman rusl og gera fínt hjá okkur.

Sólin lét svo sjá sig á mánudaginn og þá var kjörið tækifæri til að skoða nýja útidótið okkar og njóta þess að leika úti í góða veðrinu.

Sumarkveðja frá okkur í Grundaseli

Uppskeruhátíð nemendaráðs

Wed, 22 Apr 2026 13:36:18 GMT

Nú líður að skólalokum og á dögunum ákvað nemendaráð Grundaskóla að fagna frábærri frammistöðu í vetur með hópeflisferð í höfuðborgina.

Full ástæða er til að hrósa nemendaráðfulltrúum og umsjónarmanni fyrir öflugt félagsstarf innan og utan skólatíma. Öflugur hópur leiðtoga sem eiga framtíðina fyrir sér.

Nú er kosningar framundan og nýtt nemendaráð tekur við kyndlinum og hefur undirbúning fyrir næsta skólaár.

Vorskóli Grundaskóla

Mon, 20 Apr 2026 14:26:14 GMT

Í síðustu viku var vorskólinn hjá okkur í 1. bekk þar sem við tókum á móti verðandi fyrstu bekkingum.

Börnin fóru á þrjár mismunandi stöðvar þar sem unnið var með ýmiss viðfangsefni eins og stærðfræði og læsi. Einnig var stöð í Grundaseli þar sem börnin fengu að kynnast starfi frístundarinnar. Allir mættu með nesti sem þau borðuðu af bestu lyst.

Lokadaginn fórum við í íþróttahöllina þar sem var Húllumhæ dagur með 1. bekk í Brekkubæjarskóla og elstu deildum leikskólanna. Þetta voru virkilega skemmtilegir dagar.

Bkv.

Teymið í 1. bekk

Að skapa hugsandi skólastofu

Thu, 16 Apr 2026 11:41:38 GMT

Skemmtileg grein um innleiðingu Hugsandi skólastofu í stærðfræði í 9. bekk. Eftir Jóhann Þór kennara í Grundaskóla.

Virkilega hvetjandi grein og innblástur til að fara út fyrir þægindarammann.

Greinina má finna og lesa hér

Gestir frá Frakklandi

Thu, 16 Apr 2026 11:15:14 GMT

Þessa vikuna eru gestir frá Frakklandi í heimsókn á yngsta stigi í Grundaskóla.

Þær heita Emeline, Delphine og Calesia og eru hér á vegum Erasmus í svokölluðu job shadowing, þar sem þær fylgjast með starfi kennara og fá innsýn í íslenskt skólastarf.

Markmið heimsóknarinnar er að efla alþjóðlegt samstarf, deila reynslu og læra hvert af öðru.

Slík samskipti eru bæði kennurum og nemendum dýrmæt, þar sem þau auka skilning á ólíkum menningarheimum, kennsluaðferðum og skólastarfi.

Við í Grundaskóla fögnum þessari heimsókn

Lestur barna

Thu, 16 Apr 2026 10:58:52 GMT

Farsælt lestrarnám og góð lestrarfærni

Það er samstarfsverkefni heimilis og skóla að tryggja börnum farsælt lestrarnám og góða lestrarfærni.

Lestur er undirstaða alls náms og því mikilvægt að þjálfun hans fari jafnt fram í skóla og heima. Samvinnan heimilis og skóla er mikilvæg en reynslan sýnir að markviss heimaþjálfun eykur líkur stórlega á góðum á árangri.

Hér eru tillögur að heimaþjálfun sem FLÍS félag læsisfræðinga á Íslandi tók saman.

🐣 Lestrarátak 🐣

Fri, 27 Mar 2026 11:41:04 GMT

Undanfarnar vikur hafa nemendur í 1.–3. bekk tekið þátt í skemmtilegu lestrarátaki í aðdraganda páska.

Markmiðið hefur verið að efla lestrargleði, styrkja lestrarfærni og vinna saman að sameiginlegu lestrarmarkmiði skólans: að lesa að minnsta kosti fimm daga vikunnar í 20 mínútur í senn.

Fyrir hverjar 20 mínútur í lestri bjuggu nemendur til lítið páskaegg sem þeir hengdu upp á vegg. Smám saman fylltist veggurinn af litríkum eggjum og er hann nú orðinn einstaklega páskalegur og líflegur ��

Það hefur verið einstaklega ánægjulegt að sjá hve nemendur hafa tekið verkefninu vel, bókaval hefur verið fjölbreytt og lestraráhugi mikill. Með samstilltu átaki nemenda, kennara og heimila höfum við skapað hvetjandi lestrarumhverfi þar sem hver mínúta skiptir máli.

Við erum afar stolt af dugnaði og elju nemenda okkar og þökkum öllum sem hafa lagt sitt af mörkum til að gera lestrarátakið svona vel heppnað.

Við óskum nemendum og fjölskyldum þeirra gleðilegra páska og vonum að páskafríið verði fyllt af notalegum samverustundum og kannski einni góðri bók eða tveimur.

Appelsínugul veður viðvörun í dag, fimmtudag

Thu, 26 Mar 2026 07:44:54 GMT

Við viljum vekja athygli á slæmri veðurspá á morgun, fimmtudaginn 26. mars og biðjum ykkur um að fylgjast með veðurspá.

Það er ákjósanlegt að foreldrar yngri barna fylgi þeim inn í skólann svo þau lendi ekki í erfiðleikum.

Veðrið ætti að vera gengið niður þegar skóla lýkur.

Fjör í snjónum

Wed, 25 Mar 2026 09:09:45 GMT

Alltaf líf og fjör í frímínútum þegar það er snjór.

Krakkarnir í eyjunni nutu þess að búa til snjóhús og leika sér í snjónum eins og myndirnar sýna.

Líffærakennsla og krufning í 9. bekk

Tue, 24 Mar 2026 09:29:25 GMT

9.bekkur hefur undanfarnar vikur verið að læra um líkamann, blóðrásarkerfið, líffærin og ferð matarins í gegnum meltingarkerfið.

Í lok lotunnar fengu þau svo að taka þátt í spennandi verklegri æfingu þar sem þau skoðuðu innyfli úr svíni, skoðuðu leiðina sem maturinn fer í gegnum líkamann og fengu að skoða lambahjörtu og skera í þau sjálf.

Dagurinn var bæði fróðlegur og áhugaverður og gaf nemendum tækifæri til að skoða líffærin í nærmynd, koma við þau og spyrja spurninga um allt sem vakti forvitni þeirra. Hópurinn stóð sig mjög vel og var gaman að sjá þau spreyta sig í þessu hlutverki.

Að auki kom 6.bekkur og tók þátt í hluta úr degi með okkur sem gerði upplifunina enn fjölbreyttari og skemmtilegri.

Við viljum þakka Ingibjörgu náttúrufræðikennara kærlega fyrir dýrmæta hjálp og stuðning við verkefnið.

Nemendur í 10. bekk unnu verklega tilraun í FVA

Mon, 23 Mar 2026 10:09:26 GMT

Nemendur í 10. bekk fóru í skemmtilega og fróðlega heimsókn í Fjölbrautaskóla Vesturlands þar sem þau fengu að kynnast verklegu stofunni og prófa sig áfram í verklegum aðstæðum.

Nemendurnir stóðu sig einstaklega vel og sýndu mikinn áhuga. Þetta var skemmtilegur tími með flottum hóp sem nýtti tækifærið vel til að skoða möguleika sína í framhaldsskólanámi.

Takk fyrir okkur FVA!

Rökræður í 7. Bekk

Fri, 20 Mar 2026 12:48:45 GMT

Nemendur í 7. bekk tóku tíma í rökræðum í vikunni þar sem efnið til rökræðu var símabann í skólum og skólabúningar í grunnskólum . Áður en það var byrjað, var farið vel yfir það hvernig rökræður færu fram, að það mætti ekki grípa fram í fyrir hinum og muninn á því að rökræða og að rífast.

Árgangurinn skipti sér í tvo hópa og drógu svo hvort þau væri með eða á móti. Hóparnir fengu 10 mínútur til að skrifa niður rökin sín áður en fulltrúar úr hópnum stóðu svo fyrir framan dómara og fluttu rökin sín fyrir hönd hópsins. Dómari varð svo að dæma út frá því hvor hópurinn væri með betri rök og hvort þau gætu svarað rökum hins hópsins á málfarslegan og góðan hátt.

Þetta var skemmtilegt verkefni sem er gaman að fara í með málglöðum og ákveðnum krökkum!

Hér fylgja nokkrar myndir úr tímanum:

Lokahátíð upplestrarkeppninnar á Akranesi.

Thu, 19 Mar 2026 14:04:05 GMT

Miðvikudaginn 18. mars fór fram lokahátíð upplestrarkeppni grunnskólanna á Akranesi við hátíðlega athöfn í Tónbergi. Þar sýndu tólf öflugir fulltrúar úr 7. bekk Grundaskóla og Brekkubæjarskóla færni sína í vönduðum upplestri og skýrri framsögn. Undirbúningur nemenda hófst formlega á degi íslenskrar tungu, þann 16. nóvember síðastliðinn, og hafa nemendur lagt mikið á sig síðan þá við að æfa framburð og túlkun. Eftir útsláttarkeppnir innan skólanna stóðu tólf nemendur eftir sem kepptu til úrslita, sex frá hvorum skóla.

Hátíðin hófst á því að Aldís Ylva Heimisdóttir flutti ávarp og auk þess voru veittar viðurkenningar fyrir teikningar sem prýddu boðskort keppninnar í ár. Dómarar kvöldsins lýstu því yfir að keppnin hefði verið mjög hörð og ljóst að nemendur hefðu lagt mikla vinnu í sína frammistöðu. Allir þátttakendur stóðu sig með stakri prýði og voru skólum sínum til mikils sóma. Eftir vandasama ákvörðun dómnefndar voru sigurvegarar kvöldsins kynntir, en það voru þau Laufey Svanbergsdóttir úr Grundaskóla og Gunnar Kristian Arnarson Wessman úr Brekkubæjarskóla sem hlutskörpust urðu.

Við í Grundaskóla erum afar stolt af okkar fulltrúum og öllum þeim nemendum sem tóku þátt í ferlinu. Það er dýrmætt að sjá unga fólkið okkar rækta íslenska tungu af svo miklum metnaði og áhuga. Við óskum sigurvegurunum og öllum keppendum innilega til hamingju með glæsilegan árangur!

Fleiri myndir frá keppninni má sjá hér https://photos.app.goo.gl/FnoDSu2xj8S24xgb6

Skemmtilegt verkefni í 10. bekk

Wed, 18 Mar 2026 13:37:23 GMT

Opni skólinn - Leir

Mon, 16 Mar 2026 09:30:04 GMT

Í aðalvali er meðal annars boðið upp á leirnámskeið.
Hluti af námskeiðinu var að fá að prufa að renna leir á rennibekk, sem marga dreymir um að fá að reyna sig við. Anna Leif kennari fékk Íris Jönu, dóttur sína, til liðs við sig, tvo laugardaga í röð undir merkjum Opna skólans.

Saman leyfðu þær nemendum að spreyta sig við þetta handverk.

Áhugi og einbeitng sjást vel á meðfylgjandi myndum.

Vinaverkefni í 2.bekk

Fri, 13 Mar 2026 11:27:09 GMT

Nemendur í 2. bekk unnu á dögunum vinaverkefni þvert á árgang eða með bekkjarfélugum. 2-3 nemendur unnu saman, teiknuðu mynd af sér og skrifuðu vinasögu. Skemmtileg vinna sem reyndi á samvinnu, skipulagningu, hjálpsemi, þolinmæði og hugmyndaflug.

Nemendur þurftu að koma sér saman um hverning myndin ætti að vera og semja söguna saman. Sumir eru góðir í að semja sögu, aðrir eru góðir í að skrifa en öll getum við eitthvað og með því að vinna saman getum við lært hvert af öðru.

Saman erum við sterkari. ��

Procreate teiknival

Fri, 13 Mar 2026 11:27:05 GMT

Nemendur í Procreate teiknivali hanna vörumerki.

Nemendur fengu það verkefni að teikna upp vörumerki í teikniforritinu Procreate og síðan fengum við til liðs við okkur hann Snorra sem sá um að prenta verkin út fyrir okkur á filmu.

Þegar filman var klár urðu nemendur að plokka út vörumerkið til þess að hægt væri að pressa það á flík eða taupoka.

Afraksturinn var síðan einstök flík eða poki með eigin listaverki.

Kvikmyndahátíð Grundaskóla

Thu, 12 Mar 2026 10:40:11 GMT

Vilt þú vera með?

Síðustu tvö ár höfum við haldið glæsilega kvikmyndahátíð í Grundaskóla.

Nú er tækifæri fyrir 4.-7.bekk að vera með!

Sjá meðfylgjandi auglýsingu.

Bréf frá umboðsmannni barna

Thu, 12 Mar 2026 08:55:32 GMT

Umboðsmaður barna sendir bæjarstjórn Akraneskaupstaðar formlegt bréf eftir ánægjulega vettvangsheimsókn á Akranes.

Efni: Öryggi nemenda og sundkennsla.

Sjá nánar í meðfylgjandi hlekk:

Vettvangsheimsókn umboðsmanns barna á Akranes.

Zentangle í Opna skólanum

Wed, 11 Mar 2026 12:06:37 GMT

Þessa dagana stendur yfir skemmtilegt Zentangle teikni og listanámskeið fyrir börn og foreldra tengt starfsemi opna skólans í Grundaskóla.

Námskeiðunum er ætlað að gefa foreldrum og börnum tækifæri til að mæta og vinna einhver skemmtileg verkefni saman og læra eitthvað nýtt og spennandi.

Í vetur höfum við boðið upp á nokkur námskeið um hin ýmsu viðfagsefni og hefur þátttaka verið mjög góð til þessa.

Á næstu dögum verða ný tilboð send út og hvetjum við foreldra til að stökkva á þessi frábæru tilboð og gera eitthvað skemmtilegt og uppbyggjandi með börnunum sínum.

Fréttir frá 3. bekk

Thu, 05 Mar 2026 14:36:49 GMT

Fimmtudaginn 5. mars fengum við í 3. bekk Grundaskóla góða gesti í heimsókn þegar nemendur í 3. bekk í Brekkubæjarskóla komu til okkar.

Við áttum saman skemmtilegan dag bæði inni og úti.

Alltaf gaman að efla tengslin á milli skólana.

Takk fyrir komuna

Opni skólinn - Frístundanámskeið

Wed, 04 Mar 2026 08:30:35 GMT

Zentangle - Fyrir foreldra og börn frá 5. - 10.bekk.

Grundaskóli býður nú foreldrum og nemendum tengt áherslum Opna skólans upp á spennandi námskeið sem við köllum Zentangle listasmiðju . Listasmiðju þar sem foreldrar og börn vinna saman að því að skapa myndverk eftir Zentangle teikniaðferðinni.

Markmiðið er að kynnast betur, eiga skemmtilega stund saman, efla gagnrýna hugsun og lausnamiðaða nálgun. Zentangle teikniaðferðin gengur út á "eitt strik í einu" og engin mistök.

Hægt að fara inn á vefsíðuna zentangle.com og skoða hugmyndafræðina, ólík mynstur og margt fleira.

Tímasetning eru tveir mánudagar 9. og 16. mars frá kl. 17 - 19

Hlekkur hefur verið sendur í pósti til foreldra.

Umboðsmaður barna í heimsókn

Tue, 03 Mar 2026 14:52:07 GMT

Salvör Nordal, umboðsmaður barna kom í heimsókn í Grundaskóla mánudaginn 2. mars ásamt fylgdarliði og fundaði með fulltrúum í nemendaráði skólans.

Á fundinum var farið yfir ýmis hagsmunamál barna og rætt um margvísleg mál er varða nemendur skólans. Meðal annars var farið ítarlega yfir aðstöðumál í sundlauginni á Jaðarsbökkum. Fundurinn var mjög vel heppnaður og í lok dagskrár fengu gestirnir kynningu á skólanum og þeirri þjónustu sem hér er veitt.

Við þökkum fyrir ánægjulega heimasókn og góðar samræður.

Fréttir úr Frístund

Mon, 02 Mar 2026 12:03:54 GMT

Starfið í Grundasel hefur gengið vel í vetur.

í dag eru 110 börn úr 1. og 2.bekk skráð í frístund og því alltaf mikið líf og fjör.

Við erum í samvinnu verkefni við skólann og fáum til okkar krakka úr unglingadeildinni sem hafa valið frístundastarf sem valnámskeið, það hefur slegið í gegn hjá okkar börnum.

Í Grundasel höfum við brallað ýmislegt í vetur og hlökkum til að þróa starfið enn betur með hækkandi sól.

Skipulagsdagur og vetrarfrí

Wed, 18 Feb 2026 12:36:53 GMT

Við viljum minna á að skipulagsdagur er á morgun fimmtudag, 19.febrúar.
Strax í kjölfarið hefst vetrarfrí í Grundaskóla, föstudaginn 20.febrúar og mánudaginn 23.febrúar.

Skólinn hefst aftur samkvæmt stundaskrá Þriðjudaginn 24.febrúar.

Myndir af Öskudegi í Grundaskóla 2026 fá að fylgja hér með.

Góð heimsókn

Wed, 18 Feb 2026 09:56:17 GMT

Í síðustu viku fengum við góða heimsókn frá Óskari Þorsteinssyni körfuboltaþjálfar hjá ÍA.

Hann var gestur í íþróttatímum hjá 1.-5. bekk og kynnti þau fyrir íþróttinni.

Alltaf gaman að fá góðar heimsóknir til okkar og þökkum við kærlega fyrir.

Bæjarstjórnarfundur unga fólksins

Tue, 17 Feb 2026 08:16:36 GMT

24. fundur bæjarstjórnar unga fólksins verður haldinn þriðjudaginn 17. febrúar 2026 að Dalbraut 4 og hefst kl 17:00.

Akranes.is

Upplestrar undirbúningur í 7. bekk

Tue, 17 Feb 2026 07:48:03 GMT

Það er hefð fyrir því í 7. bekk að taka þátt í upplestarkeppni. Í síðustu viku fóru fram bekkjarkeppnir í upplestrarkeppninni en úr hverjum bekk komust svo sex nemendur áfram. Í lok febrúar verður forkeppnin haldin en þá stíga þessir 18 nemendur á svið sem komust áfram í þá keppni.

Allir nemendur í 7.bekk tóku þátt með einhverju móti og stóðu allir sig frábærlega vel.

Í byrjun mars verður lokakeppnin haldin í Tónberg og þar hittum við í Grundaskóla keppendur úr Brekkubæjarskóla.

Um þessar mundir eru nemendur einnig að taka þátt í teikni-keppni en þar er verið að leita eftir mynd á boðskortið fyrir Tónbergs keppnina.

Kransakökunámskeið

Mon, 16 Feb 2026 10:03:33 GMT

Mikil ánægja ríkti á kransakökunámskeiði sem Grundaskóli á Akranesi bauð fermingarbörnum og forráðamönnum þeirra upp á á dögunum.

Námskeiðið var hluti af frístundastarfi skólans innan Opna skólans og fylltust þrjú kvöld af áhugasömum þátttakendum.

Alls tóku 36 manns þátt og mættu mömmur, ömmur og pabbar með börnum sínum til að læra listina að baka og skreyta hina hefðbundnu fermingarkransaköku.

Stemningin var létt og skemmtileg og greinilegt að samveran skipti ekki síður máli en sjálf baksturinn.

Frístundanámskeiðin sem Grundaskóli býður upp á hafa notið mikilla vinsælda og ljóst að þau eru alveg að slá í gegn meðal íbúa. Kransakökunámskeiðið er gott dæmi um hvernig skólinn eflir samstarf heimila og skóla með skapandi og skemmtilegum hætti.

Útikennsla í 2.bekk - Skynfærin

Thu, 12 Feb 2026 14:26:11 GMT

Í gær nýttu nemendur og kennarar í 2.bekk góða veðrið og færðu kennsluna upp í skógrækt.

Viðfangsefnið var að vinna með skynfærin og að æfa samvinnu.

Nemendunum var skipt í 4-5 manna hópa, hver hópur fékk bingóspjald þar sem þau áttu að finna 16 mismunandi hluti í náttúrunni.

Virkilega skemmtilegt verkefni og gaman hvað samvinnan gekk vel. Þegar í skólann var komið gerðu nemendur verkefni og rifjuðu upp hvað þau sáu, fundu og heyrðu í skógræktinni.

4.bekkur í kvikmyndagerð

Wed, 11 Feb 2026 13:59:29 GMT

Nemendur í 4.bekk eru í list-og verkgreinum að taka upp eigin stuttmynd.

Þau skrifa stutt handrit, taka upp og klippa sjálf myndina í klippiforriti.

Fyrirhugað er að nemendur í 4.-7.bekk fái möguleika á að taka þátt í árlegri

kvikmyndahátíð skólans sem haldin verður í byrjun júní.

Skapandi kennsluaðferðir

Wed, 11 Feb 2026 10:08:51 GMT

Þriðjudaginn 10. febrúar sl. voru haldin fræðandi og áhugaverð námskeið í Grundaskóla á Akranesi þar sem fjallað var um skapandi og inngildandi kennsluaðferðir.

Námskeiðin „Gamified learning, leikjavæðing“ og „Talent Maker, hæfileikamiðað nám“ vöktu mikinn áhuga og voru vel sótt af kennurum.

Tryggvi Thayer og Skúlína Kjartansdóttir frá Menntavísindasviði Háskóla Íslands sáu um námskeiðið um leikjavæðingu þar sem farið var yfir leiðir til að auka áhuga og virkni nemenda í gegnum leik og áskoranir í námi.

Ragnheiður Alma Snæbjörnsdóttir, kennari í Akurskóla, stýrði námskeiðinu um hæfileikamiðað nám þar sem áhersla var lögð á skapandi verkefni og fjölbreyttar leiðir til að mæta styrkleikum og áhugasviði nemenda.

Námskeiðin voru haldin í samstarfi við Menntavísindasvið HÍ og GeoCamp Iceland og er liður í Evrópuverkefninu Acadimia.

Það er mikill fengur fyrir Grundaskóla að hafa fengið þetta tækifæri.

Vika 6 í unglingadeild

Mon, 09 Feb 2026 11:03:30 GMT

Vika 6 fór fram dagana 2.– 6. febrúar og í ár var þema vikunnar Öryggi og ofbeldi .

Í viku 6, sem haldin er árlega, er starfsfólk skóla hvatt til að setja kynheilbrigði í forgrunn og bjóða nemendum upp á fjölbreytta og aldursviðeigandi kynfræðslu.

Nemendur í unglingadeild fengu fræðslu inni í sínum bekkjum auk þess sem unnið var í blönduðum hópum í 8.– 10. bekk. Þar fóru nemendur á milli þriggja stöðva og tóku þátt í ýmsum verkefnum sem tengdust þema vikunnar.

Á fimmtudeginum sameinuðumst við Brekkubæjarskóla og Heiðarskóla í íþróttahúsinu á Jaðarsbökkum. Þar tóku nemendur þátt í fjölbreyttum leikjum sem Ívar og Jón Hjörvar úr Arnardal stýrðu af mikilli snilld og skapaðist afar skemmtileg stemning.

Við þökkum öllum nemendum fyrir góða þátttöku ��

Stefnan sett – heildstætt verkefni í 10. bekk

Fri, 06 Feb 2026 13:24:12 GMT

Nemendur í 10. bekk eru nú að ljúka heildstæðu verkefni sem ber heitið Stefnan sett. Verkefnið endar með því að nemendur mæta í sviðsett atvinnuviðtal innan skólans. Námsgreinar eru samþættar og lögð er áhersla á þætti á borð við styrkleika, sjálfsþekkingu og áhugasvið nemenda.

Í verkefninu læra nemendur jafnframt að afla sér upplýsinga um ólíkar námsleiðir og vinnumarkaðinn. Þeir vinna meðal annars styrkleika- og áhugakannanir, setja saman ferilskrá og kynningarbréf og kynnast ráðningarferli frá upphafi til enda. Í öllu ferlinu er leitast við að verkefnin endurspegli raunverulegar aðstæður eins vel og mögulegt er.

Öflugt samstarf er við foreldra nemenda í verkefninu. Foreldrar hafa veitt góðan stuðning við gerð ferilskráa og undirbúning fyrir atvinnuviðtöl. Auk þess hélt fjöldi foreldra og utanaðkomandi aðilar starfskynningar fyrir allan árganginn, sem vakti mikla lukku meðal nemenda og starfsfólks.

Nemendur hafa lýst verkefninu sem skemmtilegu og lærdómsríku og segja auðvelt að sjá tilgang þess og tengingu við framtíðina.

100 daga hátíð

Wed, 04 Feb 2026 13:31:20 GMT

1. bekkur heldur 100 daga hátíð

Í Grundaskóla er hefð fyrir því, í 1. bekk, að halda 100- daga hátíð. Þá er verið að fagna þeim áfanga að nemendur hafa verið 100 daga í skólanum.

Að þessu sinni var aðeins gert meira úr hátíðinni og byrjað nokkrum dögum fyrr á að gera teikningu að 100 skrímsli, skrifa sögu: þegar ég verð 100 ára og unnið með 100 töluna/töfluna. Síðan var skreytt með veifum, skrifað á plaköt og teiknaðar blöðrur með tölunni 100 og o.fl.

Á sjálfann hátíðsdaginn mættu allir í nátt-/kósýfötum og með lúrudýrin sín, bjuggu til kórónur og unnu á ýmsum stöðvum með töluna 100.

Í útiverunni voru gerðar 100 hreyfiæfingar sem allir fóru létt með. Síðan var gengið í skrúðgöngu um skólann og sungið um 100 daga hátíðina. Loks var endað í salnum þar sem var dansað, fengið popp og tekin mynd af nemendum búa til töluna 100.

Líf og fjör á 100. deginum eins og sjá má á myndunum.

10. bekkur í myndmennt

Wed, 04 Feb 2026 09:50:14 GMT

Spennandi úrklippur í anda Matisse

Það er svo gaman að vinna með þessum nemendur í 10. bekk.

Þau gerðu nokkrar spennandi úrklippumyndir innblásnar af Matisse, í kennslustundinni snérist allt um fullkomnun í ófullkomleikanum

Vorrúllur frá grunni í Heimilisfræði

Mon, 02 Feb 2026 14:57:16 GMT

Nemendur í 10. bekk lærðu að útbúa vorrúllur frá grunni

Nemendurnir lærðu að undirbúa fyllingu, rúlla vorrúllunum upp og djúpsteikja þær á öruggan hátt.

Auk þess var útbúið meðlæti sem passaði vel með réttinum. Þó voru sum þeirra aðeins viðkvæm fyrir lyktinni sem myndaðist við matargerðina.

Verkefnið þótti engu að síður bæði lærdómsríkt og skemmtilegt og ríkti góð stemning í kennslustundinni.

Gaman í stærðfræði í 5. bekk

Thu, 29 Jan 2026 12:09:27 GMT

Að mæla horn

Námsþátturinn þessa dagana í 5. bekk er rúmfræði og í dag vorum við að mæla horn.

Í kennslustundinni notuðu krakkarnir gráðuboga og mældu mismunandi form horna og í leiðinni læra þau að greina á milli hvassra, réttra og gleiðra horna.

Krakkarnir unnu bæði saman og sjálfstætt og sýndu mikinn áhuga á verkefnunum.

Samfélagslöggur í heimsókn í 10. bekk

Tue, 27 Jan 2026 14:54:12 GMT

Löggurnar spiluðu fótbolta með krökkunum

Samfélagslöggur mættu í heimsókn í 10. bekk í dag.

Löggurnar spiluðu fótbolta og gryfjubolta með krökkunum. Samfélagslöggæsla er hugmyndafræði löggæslu sem leggur áherslu á að efla tengslin á milli lögreglu og íbúa.

Áherslan á Vesturlandi var að farsæld barna og ungmenna og hvernig megi betur styðja við þau. Einnig er verið að auka sýnileika og mynda tengsl og traust milli ungmenna og lögreglunnar.

Það voru allir alsælir með daginn, nemendur, starfsfólk og löggur. Vonandi er þetta komið til að vera og verðandi 10.bekkingar fái tækifæri til að hitta löggurnar á jafn skemmtilegum viðburði og krakkarnir okkar fengu í dag.

Hægt er að fylgjast með Samfélagslöggunni á

instagram: samfelagsloggur_vesturlandi/

Byggjum hugsandi skólastofu í stærðfræði

Tue, 27 Jan 2026 10:55:39 GMT

Nemendur uppgötva stærðfræðina meira sjálf

Í upphafi árs byrjaði 9. bekkur að vinna eftir hugmyndafræðinni að byggja hugsandi skólastofu í stærðfræði. Í þessari hugmyndafræði er verið að reyna að virkja nemendur til þess að hugsa og uppgötva stærðfræðina meira sjálf. Aðferðin byggir á því að nemendur vinna í hópum, aldrei fleiri en þrír og ekki færi en tveir. Hópar eru alltaf myndaðir af handahófi inn í stofunni.

Í þessari viku hafa foreldrar nemenda í 9. bekk fengið kynningu á þessari aðferð í anda Opna skólans.

Foreldrar koma í stærðfræðitíma þar sem þeir fá að upplifa sjálfir hvernig hlutirnir eru gerðir inn í kennslustofunni. Foreldrum er skipt af handahófi í hópa og síðan lagt fyrir þau stærðfræðiþraut sem þau síðan vinna við að leysa saman.

Þessar kynningar hafa heppnast afar vel. Foreldrar hafa verið spenntir og kannski smá stressuð til að byrja með en það hvarf um leið og þau byrjuðu að vinna saman og finna lausnir.

Þessar breytingar á kennsluháttum falla vel að áherslum um Opna skólann í Grundaskóla. Með því að bjóða foreldrum inn í skólann og gefa þeim tækifæri til að kynnast áherslum og starfháttum aukast líkur á að við vinnum betur saman við að styðja börnin okkar í náminu.

Þessir kynningartímar voru virkilega vel heppnaðir og eru kannski upphafið af öðru og meira.

Góðar umræður sköpuðust um stærðfræðikennsluna og lifandi og skemmtileg skoðanaskipti áttu sér stað um hvernig við gerum góðan skóla betri.

Endurvinnsla á kertaafgöngum

Fri, 23 Jan 2026 08:25:49 GMT

5. bekkur endurvinnur kertaafganga

5. bekkur endurvinnur kertaafganga, hefilspæni og eggjabakka í smiðju. Úr verða uppkveikikubbar fyrir arna.

Þegar arinkubbarnir eru tilbúnir er þeim pakkað í smjörpappír sem varð afgangs í mötuneitinu.

Hópurinn gekk vel frá öllu, þau máttu taka með sér uppkveikikubba ef þau vildu og svo verður líka hægt að næla sér í arinkubba á markaðnum "Breytum krónum í gull" næsta haust.

Glæpur við fæðingu

Mon, 12 Jan 2026 08:04:38 GMT

Verkefni sem unnið var í 10. bekk

10. bekkur lauk við verkefnið Glæpur við fæðingu fyrir jólafrí.

Í bókinni segir Trevor Noah frá æsku sinni og uppeldi sem litaður í Suður-Afríku á tímum aðskilnaðarstefnunnar.

Við ákváðum að fara nýja leið til að efla skilning nemenda okkar á bókmenntum. Nemendur gerðu glósumynd úr bókinni. Glósumynd er skapandi ferli þar sem nemendur skrá niður upplýsingar og sýna fram á skilning á bókinni með því að teikna myndir, tákn og skrifa stutta texta.

Það var almenn ánægja með þessa nýju tegund verkefnaskila. Glósumyndirnar voru mjög fjölbreyttar, nemendur skilja og upplifa textann á ólíkan hátt og var þar af leiðandi ekkert eitt rétt svar eða ein rétt mynd þó að ákveðnir þættir ættu að koma fram.

Hér sjáið þið afraksturinn af þessari vinnu en myndirnar hanga á ganginum í unglingadeildinni.

Gleðileg Jól

Fri, 19 Dec 2025 11:15:04 GMT

Starfsfólk Grundaskóla óskar öllum gleðilegra jóla og farsældar á nýju ári.
Kennsla hefst að nýju samkvæmt stundaskrá þriðjudaginn 6. Janúar.

Jólakveðja

Starfsfólk Grundaskóla

Fréttir frá 2.bekk í desember

Fri, 19 Dec 2025 08:19:09 GMT

Það er alltaf nóg um að vera hjá okkur í skógræktinni í útináminu. Í þessari ferð vorum við að vinna með tugina í stærðfræðinni. Bjuggum til píluspjald og reyndum að fá sem flest stig.

Einning vorum við að leika okkur með garn og trjágreinar. Börnin njóta sín vel í þessari

náttúruparadís sem skógræktin okkar er.

Í nóvember var markaðurinn "Breytum krónum í gull"

Föstudaginn 12.desember lögðum við af stað í óvissuferð með kakó, smákökur eða sparinesti. í myrkrinu. Nemendur voru vel útbúnir með höfuðljós og vasaljós. Áningastaður okkar var fyrir utan Stúkuhúsið við Byggðasafnið. Þar settumst við niður og fengum okkur sparinesti og hlustuðum á jólasögu og áttum notalega stund í köldu vetrarveðri.

Við óskum ykkar gleðilegra jóla og

njótið samverunnar um hátíðarnar.

Jólakveðja

frá 2.bekk

Rauður dagur í Grundaskóla

Thu, 18 Dec 2025 13:14:35 GMT

Rauður dagur í Grundaskóla, samsöngur og jólamatur.

Umferðargetraun

Thu, 18 Dec 2025 12:27:43 GMT

Lögreglan heimsótti 5. bekk

Lögreglan heimsótti 5. bekk í desember og nemendur tóku þátt í umferðargetraun.

Þau stóðu sig vel.

Í framhaldi verður dregið úr réttum svörum og einn aðili fær glaðning.

Glervinna í Opna skólanum

Wed, 17 Dec 2025 08:08:56 GMT

Unnið með gler í smiðjunni

Í smiðjunni var boðið upp á glervinnu tvö kvöld í liðinni viku (8.og 11.des) í Opna skólanum.

Námskeið þetta var í boði fyrir 5.-10.bekk. Þar komu saman nemendur og foreldrar og bjuggu til listmuni eftir eigin hönnun.

Þátttaka var mjög góð og voru þeir 15 sem þátt tóku mjög ánægð með að Grundaskóli væri að bjóða upp á svona námskeið.

Hér eru nokkrar myndir frá þessum kvöldum.

Stuð í Elliðaárstöð

Mon, 15 Dec 2025 15:00:05 GMT

Orkuveita Reykjavíkur bauð 6. bekk í heimsókn

Orkuveita Reykjavíkur bauð 6. bekk í heimsókn í Elliðaárdalinn í desember. Tilefnið var að gefa nemendum í einum árgangi tækifæri á að koma og kynnast frábærum söfnum í eigu Orkuveitunnar þar sem Akraneskaupstaður er einn af eigendum fyrirtækisins.

Það var líf og fjör þegar krakkarnir mættu í fallega skreyttan dalinn í yndislegu veðri.

Piss,kúkur, klósettpappír og stuð voru orð sem mikið voru notuð þennan skóladag. Börnin lærðu, m.a. um fráveituna og hvernig hún er lífsnauðsynleg fyrir okkur.

Allir tóku þátt í STEM zip line áskorun þar sem „kúkur“ þarf að komast úr klósetti í hreinsistöð.

Við fengum að kynnast ferðalagi orkunnar, hvaðan hún kemur og hvernig við notum hana. Krakkarnir skoðuðu einnig á korti hvað er undir götum Akraness hvaðan vatnið kemur og hvert úrgangurinn fer.

Þetta var frábær heimsókn og vonandi er þetta verkefni komið til að vera.

Litlu jólin 19.desember 2025

Mon, 15 Dec 2025 08:28:10 GMT

Litlu jólin í Grundaskóla

8:30 – 9:00 Stofujól (1.bekkur, 7.bekkur, 10.bekkur og 3.bekkur)

9:00 – 9:40 Samverustund á sal

9:30 – 10:00 Stofujól (2.bekkur, 5.bekkur, 8.bekkur og 3.bekkur)

10:00 – 10:40 Samverustund á sal

10:30 – 11:00 Stofujól (4.bekkur, 6.bekkur, 9.bekkur og 3.bekkur)

11:00 – 11:40 Samverustund á sal

Námskeiðabraut - Aðalval vor 2026

Wed, 10 Dec 2025 08:25:15 GMT

Í unglingadeild Grundaskóla er námskeiðabraut - Aðalval, fyrir 8.-9.bekk

Það er á miðvikudögum og föstudögum.

Nemendur fá kynningar og tækifæri til að velja sér af eftirfarandi auglýsingum fyrir þessar þrjár lotur sem eru fram að sumarfríi.

Námskeiðabraut - Örnámskeið vor 2026

Wed, 10 Dec 2025 08:25:09 GMT

Í unglingadeild Grundaskóla er námskeiðabraut - Örnámskeið, fyrir 8.-10.bekk

Það er á fimmtudögum.

Nemendur fá kynningar og tækifæri til að velja sér af eftirfarandi auglýsingum fyrir þessar þrjár lotur sem eru fyrir sumarfríi.

5. - 10. bekkur fékk endurskinsmerki

Mon, 08 Dec 2025 09:56:05 GMT

Frá Slysavarnadeildinni Líf á Akranesi

Nemendur fengu afhent endurskinsmerki frá Slysavarnadeildinni Líf á Akranes.

Slysavarnadeildin Líf hefur styrkt margt í bænum og er samstarf við skóla og ungmenni, m.a. með gjöf endurskinsmerkja til að stuðla að auknu öryggi í umferðinni meðal þess.

Við þökkum þeim kærlega fyrir okkur ❤️

Fjölbreytt viðfangsefni á örnámskeiðum í smiðju á 1.hæð Grundaskóla

Fri, 05 Dec 2025 08:59:01 GMT

Með nýrri og afar vandaðri aðstöðu til list- og verkgreinakennslu í Grundaskóla hefur fjölbreytni í kennsluaðferðum aukist til mikilla muna.

Meðfylgjandi myndir voru teknar í smiðjunni fimmtudaginn 27.nóvember en þá var í gangi örnámskeið sem er fyrir 8-10.bekk en í þessum eina tíma var verið að vinna með ólík viðfangsefni, nægir þar að nefna gler, málm og dúkristu og fleira.

Annað er ekki að sjá en að nemendum líki vel þessi fjölbreytni í verkefnavali.

Viðurkenning í Fernuflugi

Thu, 04 Dec 2025 11:28:49 GMT

Tveir drengir í 10. bekk fengu verk sín birt á mjólkurfernum

Tveir drengir í 10. bekk Grundaskóla hafa hlotið þann heiður að fá verk sín birt á mjólkurfernum í svokölluðu Fernuflugi á vegum Mjólkursamsölunnar fyrir árið 2026.

Þetta eru þeir Andri Snorrason og Birgir Viktor Kristinsson sem skrifuðu texta undir yfirskriftinni „Hvað er að vera ég?“

Alls bárust rúmlega 1200 textar í keppnina frá nemendum í 8.- 10. bekk af öllu landinu.

Þeir Andri og Birgir Viktor ásamt 46 öðrum ungmennum á Íslandi eiga tvo af þeim framúrskarandi textum sem hafa verið valdir til birtingar.

Óskum þeim til innilega til hamingju ��

Opni skólinn - Frístundanámskeið fyrir börn og fullorðna

Thu, 04 Dec 2025 08:40:38 GMT

Opni skólinn Frístundanámskeið - Glerbræðsla og skartmunir

Nú er það glerbræðsla og skartmunir – tækifæri til að búa til einstaka jólagjöf í Opna skólanum

Unnið með gler - Glerbræðsla í smiðjunni – sköpum saman eitthvað fallegt

Hér er í boði námskeið sem er ætlað nemendum og foreldrum saman.

Námskeiðið er í glerbræðslu þar sem unnið er með rúðugler og liti sem síðan er brætt saman í þar til gerðum ofni og úr verða listmunir sem þátttakendur hafa skapað.

Staðstning: Smiðjan á 1.hæð Grundaskóla

Dagsetning og tími: Námskeið þetta er tvö skipti og fer fram mánudaginn 8. desember og fimmtudaginn 11. desember og hefjast báða daga klukkan 17.00 (Gera þarf ráð fyrir að hvor tími verði 1,5-2 klst.)

Umsjónarmenn námskeiðs: Elís Þór Sigurðsson og Jónsína Ólafsdóttir

Kostnaður: Þátttakendur greiða kr.1000 upp í efniskostnað (nemandi+foreldri)

Skráning: Skráning fer fram í meðfylgjandi skráningarlink.

Muna – Fyrstir koma fyrstir fá….

Matarskráning fyrir janúar - júní 2026

Tue, 02 Dec 2025 10:27:28 GMT

Nú er búið að opna fyrir skráningar í mat á vorönn.

Opið verður fyrir skráningar frá 2.desember til 16.desember eftir það er ekki hægt að skrá börnin í mat í gegnum þessa hlekki.

Breyting var gerð á matarskráningu nú í haust.

Foreldrar barna í 1. – 4.bekk þurfa ekki að skrá börnin sín í mat, heldur eru þau með fasta skráningu í mat alla daga.

5. - 6.bekk skrá í gegnum meðfylgjandi hlekk:

https://forms.gle/4AYNdvCJSnV8pVNv7

7. – 8.bekk skrá í gegnum meðfylgjandi hlekk:

https://forms.gle/FkckytCQsea8jixR6

9. – 10.bekk skrá í gegnum meðfylgjandi hlekk:

https://forms.gle/Uv1HnT4Bp9hk2zNd8

Gerðar voru fleiri breytingar með skráningarskjölin eftir haustskráninguna, til að þau nýtist foreldrum sem best og skýrt sé hvað er í boði.

Foreldrar fá sendan tölvupóst með afriti af matarskráningunni þegar búið er að senda inn og er hver dagur skýr með hvað er í boði í matinn.

Frétt frá 3.bekk

Tue, 02 Dec 2025 08:18:35 GMT

Í gær kom Slökkviliðið í heimsókn til okkar í 3.bekk á degi reykskynjarans. Farið var yfir mikilvægi þess að skoða reykskynjara á heimilinu 4 sinnum á ári og skipta um rafhlöðu 1.des ár hvert.

Nemendur fengu að gjöf bókina Ævintýri Orra og Möggu – Eldvarnir ásamt því að fá litarbók, buff og endurskinmerki. Við þökkum Slökkviliðinu fyrir þessar dásamlegu gjafir.

Kveðja, frá 3.bekk

Bjarni Fritzson kom að kynna bækur

Mon, 01 Dec 2025 11:36:40 GMT

Fyrir 4. - 7. bekk í skólanum í morgun

Hinn vinsæli barnabókahöfundur Bjarni Fritzson kom að kynna bækurnar sínar um Orra óstöðvandi og vini.

Krakkarnir voru spenntir fyrir heimsókn hans og spurðu hann ýmsa spurninga um bækurnar

Grundaskóli og útvarp Akranes

Fri, 28 Nov 2025 10:16:00 GMT

Laugardaginn 29.nóvember verður Grundaskóli í útvarpi Akranes, milli klukkan 9:30-11:00.

Í þættinum er fjallað um söngleikinn smell, veiði, lesin sagag og kór Grundaskóla lítu við.

Frétt frá 10.bekk

Fri, 28 Nov 2025 09:13:46 GMT

Alltaf nóg um að vera hjá 10.bekk. Í síðustu viku lauk sýningum á söngleiknum Smell. Krakkarnir stóðu sig frábærlega og hefur þetta verið heilmikill lærdómur fyrir þau og allt 10.bekkjarteymið.

Núna tekur við nýtt verkefni. Þar læra nemendur um mannréttindabaráttur og aðskilnaðarstefnuna í Suður-Afríku í bland við lestur á bókinni Glæpur við fæðingu eftir Trevor Noah. Við erum að prófa okkur áfram með glósuaðferð þar sem nemendur teikna myndir eftir hvern kafla til þess að hjálpa sér að muna söguþráðinn.

Frístundanámskeið

Mon, 24 Nov 2025 13:51:57 GMT

Bakað saman í heimilisfræði

Grundaskóli stendur fyrir sk. frístundanámskeiðum tengt hugmyndum um Opna skólann.

Hér er um námskeið sem eru stundum ætluð nemendum en á öðrum tímum nemendum og foreldrum saman.

Laugardaginn 15. nóv. var námskeið þar sem þátttakendur bökuðu saman brúna lagtertu

Ummæli frá þáttakendum:

Við skemmtum okkur konunglega á námskeiðinu. Þetta var svo hugguleg samverustund og gott að fá leiðsögn í jólabakstrinum.

Við vonum að námskeiðin verði haldin árlega ❤️

Bryndís Ottesen, Emilía og Freyja

Við Aldís þökkum aftur kærlega fyrir góða bakstursstund og ekki skemmir fyrir hvað afraksturinn var góður. Okkur fannst námskeiðið mjög flott og myndum mæta aftur að ári ef þetta verður í boði ❤️

Harpa og Aldís

Lestrarátak/keppni í Grundaskóla

Mon, 24 Nov 2025 11:56:01 GMT

Dagana 28. október til 11. nóvember sl.

Dagana 28.október til 11.nóvember var lestrarátak/keppni í Grundaskóla hjá 1.-7.bekk. Markmiðið átaksins var að hvetja til aukins heimalesturs.

Í ár var það 6.bekkur sem las mest eða 18.217 mínútur sem gera um 25 mínútur að meðaltali á hvern nemanda á dag.

Margir nemendur lögðu sig alla fram og í hverjum árgangi voru nokkrir nemendur sem sköruðu fram úr og lása allt upp í sexfalt meira en meðaltalið.

Eftir árgöngum voru það þessir nemendur sem lásu mest og eiga þeir hrós skilið:

1.bekkur - Ása Valdís Valdimarsdóttir

2.bekkur - Emil Andri Magnason

3.bekkur - Fjóla Andradóttir

4.bekkur - Rúrik Logi Ásbjörnsson

5.bekkur - Salóme María Sigurgeirsdóttir

6.bekkur - Agnes Anna Jóhannesdóttir

7.bekkur - Inga María Brynjarsdóttir

Ávinningur lestrar er mikill, hann m.a.

Eykur orðaforða og hjálpar nemendum að tjá sig betur.
Styrkir heilann – bætir einbeitingu, minni og skilning.
Kveikir ímyndunaraflið og eykur sköpunargáfu.
Bætir árangur í öllum námsgreinum því hann styrkir lesskilning.
Eflir samkennd – við lærum að setja okkur í spor annarra í gegnum sögur.
Hjálpar til við afslöppun og dregur úr streitu.
Opnar dyr að nýjum heimum – fræðslu, ævintýrum og endalausri þekkingu.

Við breytum krónum í gull

Fri, 21 Nov 2025 12:21:15 GMT

Til styrktar hjálparstarfi RKÍ í Malaví

Grundaskóli hefur millifært afrakstur góðgerdags skólans, „Breytum krónum í gull“ þar sem nemendur og skólasamfélagið allt safnaði fjármunum til styrktar hjálparstarfi Rauða kross Íslands í Malaví.

Alls söfnuðust í ár 1.029.939 kr.

Samtals hefur skólinn þá styrkt hjálparstarf RKÍ í Malaví um 9.671.306 kr. (Upphæð ekki framreiknuð mv. núvirði)

Nemendur og starfsfólk Grundaskóla vill þakka öllum sem mættu á góðgerðardaginn og studdu söfnunina með því að kaupa muni og þjónustu til styrktar hjálparstarfi RKÍ.

Opni skólinn - Frístundanámskeið fyrir börn og foreldra

Thu, 20 Nov 2025 11:50:01 GMT

Opni skólinn Frístundanámskeið - Listasmiðja

Ekki missa af þessu tækifæri til að gera

eitthvað skemmtilegt með barninu þínu.

Grundaskóli býður nú foreldrum og nemendum tengt áherslum Opna skólans upp á spennandi námskeið sem við köllum Listasmiðju – Komdu að skapa. Vantar þig gjöf í jólapakkann fyrir ömmu eða afa?

Lista smiðja þar sem foreldrar og börn vinna saman að því að mála hvort annað. Boðið verður uppá ólíkan efnivið t.d. akrýlmálningu, vatnslitamálningu, tréliti og blýanta.

Markmiðið er að kynnast betur og eiga skemmtilega stund saman

Tímasetning er þriðjudagurinn 2. desember frá kl. 18 - 20

Þátttakendafjöldi er takmarkaður og hér gildir sem fyrr fyrstir koma fyrstir fá.

Ekkert þátttökugjald er á þetta námskeið.

Upplestrarkeppnin í 7. bekk.

Tue, 18 Nov 2025 07:17:14 GMT

Í tilefni af degi íslenskrar tungu hófum við formlega upplestrarkeppnina

Dagur íslenskrar tungu var sunnudaginn 16. nóvember og í tilefni dagsins hófum við formlega upplestrarkeppnina.

Nemendur í 7. bekk komu saman á sal þar sem þeir fengu tækifæri til að spyrja Daða Rafn Reynisson, sigurvegara keppninnar í vor, nokkurra spurninga.

Að lokum las Daði ljóð fyrir nemendur. Nemendur voru staðráðnir í því að hefja æfingar sem fyrst og gera sitt besta fyrir komandi keppni.

Í tilefni af degi íslenskrar tungu

Mon, 17 Nov 2025 13:59:52 GMT

Á íslensku má alltaf finna svar

Dagurinn er haldin hátíðlegur á fæðingardegi Jónasar Hallgrímssonar, 16. nóvember ár hvert og af því tilefni lærðu nemendur í 2. bekk ljóðið " Á íslensku má alltaf finna svar"

Hér er afraksturinn af þeirri vinnu.

Teymið í 2.bekk

Nemendur í 9. og 10. bekk

Thu, 13 Nov 2025 14:51:16 GMT

Tóku þátt í Barnaþingi Akraness

Í dag tók hópur nemenda úr 9. og 10. bekk þátt í Barnaþingi Akraness, þar sem þeir ræddu málefni líðandi stundar ásamt jafnöldrum sínum úr Brekkubæjarskóla og fulltrúum Ungmennaráðs Akraness.

Á þinginu voru tekin fyrir fjölbreytt og áhugaverð málefni sem tengjast unglingum og nærumhverfi þeirra, og mynduðust líflegar og uppbyggilegar umræður.

Í framhaldinu verða niðurstöður þingsins kynntar á Bæjarstjórnarfundi unga fólksins, sem haldinn verður síðar á árinu.

Fulltrúar frá sjónvarpsþættinum Landanum voru á staðnum, kvikmynduðu viðburðinn og tóku viðtöl við þátttakendur.

Þátturinn verður sýndur næstkomandi sunnudag, 16.11, og hvetjum við alla til að fylgjast með.

Samstarf í 1. og 8. bekk

Thu, 13 Nov 2025 14:35:55 GMT

Nemendur í 1. og 8. bekk eru í samvinnu

Nemendur í 1. og 8. bekk eru þessa dagana í sameiningu að búa til leikdeig og kókoskúlur fyrir markaðinn "breytum krónum í gull", sem verður n.k. föstudag í íþróttahúsinu.

Það er óhætt að segja að gleði og góð samvinna hafi einkennt samstarfið hjá krökkunum. 1. bekkur naut þess svo sannarlega að fá leiðbeiningar og utanumhald hjá unglingunum.

Myndirnar tala sínu máli.

Barnaþing

Tue, 11 Nov 2025 14:15:58 GMT

Dagana 11. - 13. nóvember

Dagana 11.-13.nóvember fer fram Barnaþing Akraness, þar koma saman nemendur úr 5.-10.bekk á Akranesi og ræða saman málefni líðandi stunda sem við kemur börnum og ungmennum.

Barnaþingið hefur verið þáttur í barnalýðræði á Akranesi í fjölda ára og verða niðurstöður þingsins nýttar til undirbúnings Ungmennaráðs Akraness fyrir Bæjarstjórnarfund Unga fólksins þar sem ungmennaráð fundar með bæjarstjórn.

Barnaþinginu er þrískipt:

11.nóvember 5.-6.bekkur

12.nóvember 7.-8.bekkur

13.nóvember 9.-.10.bekkur

Alls munu 144 börn taka þátt á Barnaþinginu – ásamt Ungmennaráði og riturum úr FVA.

Hver árgangur í hvorum skóla fyrir sig skáir 12 fulltrúa til þátttöku.

Nemendur stóðu sig með sóma og margar hugmyndir komu fram.

Breytum krónum í gull

Tue, 11 Nov 2025 10:55:07 GMT

Góðgerðardagur Grundaskóla 14. nóvember

Undanfarna daga og vikur hafa nemendur og starfsfólk Grundaskóla verið að undirbúa árlegan Malavímarkað sem fram fer í íþróttahúsinu Jaðarsbökkum, föstudaginn 14. nóvember og hefst klukkan 10:00 og lýkur klukkan 11:30.

Til sölu er fjölbreytilegur varningur sem búinn er til af nemendum Grundaskóla en allur ágóði rennur til styrktar skólastarfi í Malaví, einu af fátækustu ríkjum heims.

Auk þessa er hægt að kaupa léttar veitingar og njóta tónlistaratriði frá nemendum.

Malavísöfnunin hófst fyrir rúmum tíu árum þegar nemendur skólans ákváðu að leggja niður þá hefð að gefa hver öðrum jólagjafir en setja í stað þess ákveðna upphæð í söfnun þar sem markmiðið var að láta gott af sér leiða og gefa þeim sem þurfa meira á því að halda.

Í gegnum árin hafa safnast heilmiklar fjárhæðir eða rúmar tíu milljónir sem Rauði krossinn á Íslandi hefur haft milligöngu með að koma í réttar hendur.

Við í Grundaskóla erum afar stolt af þessu verkefni og hvetjum sem flesta til að mæta í íþróttahúsið Jaðarsbökkum til að eiga notalega stund og styrkja gott málefni í leiðinni.

Opni skólinn - Frístundanámskeið fyrir börn og foreldra

Mon, 10 Nov 2025 10:46:32 GMT

Frístundanámskeið - KNES tæknismiðja

Ekki missa af þessu tækifæri til að gera

eitthvað skemmtilegt með barninu þínu.

Grundaskóli býður nú foreldrum og nemendum tengt áherslum Opna skólans upp á spennandi námskeið sem við köllum KNEX tæknismiðju . Tæknismiðju þar sem foreldrar og börn vinna saman að því að skapa úr Knex kubbum.

Þetta er „STEM – námskeið“ þar sem hönd og hugur vinna saman að tækni- og byggingarlausnum. ( S – Science (vísindi), T – Technology (tækni), E – Engineering (verkfræði), M – Mathematics (stærðfræði))

Markmiðið er að kynnast betur, eiga skemmtilega stund saman, efla gagnrýna hugsun og lausnamiðaða nálgun.

Tímasetning er þriðjudagurinn 18. nóvember frá kl. 17 - 19

Þátttakendafjöldi er takmarkaður og hér gildir sem fyrr fyrstir koma fyrstir fá.

Ekkert þátttökugjald er á þetta námskeið.

Baráttudagur gegn einelti

Fri, 07 Nov 2025 12:16:47 GMT

Laugardaginn 8. nóvember er BARÁTTUDAGUR gegn einelti

Á morgun, laugardaginn 8. nóvember, er Baráttudagur gegn einelti .

Markmið dagsins er að hvetja til umræðu, fræðslu og viðburða sem miða að því að vinna gegn einelti, efla jákvæð samskipti og stuðla að vináttu.

Í tilefni dagsins hittust allir nemendur Grundaskóla og Brekkubæjarskóla í dag við stjórnsýsluhúsið að Stillholti. Þar trommuðu þeir saman í sjö mínútur – eina mínútu fyrir hvern dag vikunnar sem við viljum hafa lausan við einelti.

Meðfylgjandi eru myndir af vinnu nemenda í tengslum við daginn.

Ein falleg setning sem varð til í 3. bekk fangar boðskap dagsins einstaklega vel:
„Góður vinur er betri en allur heimsins auður.“

Hugsandi stærðfræðistofa í 7. bekk

Fri, 07 Nov 2025 09:38:07 GMT

Stærðfræðin getur verið mörgum frekar flókin og ein af áskorunum kennarans er að leita lausna til að allir nemendur fái að njóta sín. Ein aðferð sem hópur í 7. bekk ákvað að láta reyna á kallast hugsandi skólastofa (Thinking Classroom). Aðferðin gengur út á að nemendur vinna saman í þriggja manna hópum að ákveðnum verkefnum. Hver hópur hefur aðeins eina tússtöflu og einn tússpenna. Þannig þurfa nemendur að vinna saman, útskýra hugsun sína og hjálpast að við að leysa dæmin.

Markmiðið er að gera stærðfræðina virka, lifandi og samvinnumiðaða. Þannig læra nemendur að hugsa, ræða og útskýra í stað þess að fylgja hefðbundnum leiðbeiningum. Einn skrifar í einu, hinir tveir hugsa og leiðbeina og svo skiptast nemendur á hlutverkum. Þannig myndast samræða og dýpri skilningur.

Eins og stundum vill verða að þá er ekki til nóg af tússtöflum í skólanum en það þarf ekki að vera vandamál. Við getum notað gluggana. Á meðan skammdegið er stutt þá er dimmt úti og bjart inni og gluggarnir tilvaldir í verkið.

Nemendum finnst þessi aðferð skemmtileg og minnir frekar á leik heldur en „alvöru stærðfræði“. Samt unnu nemendur fjölda dæmi í deilingu og margföldun, ræddu lausna og komu með hugmyndir.

Opni skólinn - Frístundanámskeið fyrir börn og foreldra

Fri, 07 Nov 2025 09:24:15 GMT

Frístundanámskeið - Heimilisfræði

EKKI láta þetta FRAMHJÁ ÞÉR FARA!!!

Grundaskóli stendur fyrir sk. frístundanámskeiðum tengt hugmyndum um Opna skólann. Hér er um námskeið sem eru stundum ætluð nemendum en á öðrum tímum nemendum og foreldrum saman.

Nú stendur yfir skráning á námskeið tengt heimilisfræði. Námskeiðið er ætlað foreldrum og nemendum en hér verður í boði að baka eða útbúa eitthvað góðgæti fyrir jólin.

Laugardaginn 15. nóv. frá 9:30-12:00 er námskeið þar sem þátttakendur baka saman konfektsmákökur og brúna lagtertu. Við ætlum að kynnast og eiga notalega stund og keyra upp jólastemninguna.

Fyrstir koma fyrstir fá… Þátttakendafjöldi er takmarkaður á hvert námskeið og þátttökugjald fyrir fjölskyldupar er 2000 kr. sem gengur upp í efniskostnað.

Póstur hefur verið sendur til foreldra með link til að skrá sig.

Nýr kafli í skólasögu Akraness

Wed, 05 Nov 2025 08:14:20 GMT

Grundaskóli fær glæsilegt kennsluhúsnæði

Nýr kafli í skólasögu Akraness – Grundaskóli fær glæsilegt kennsluhúsnæði

Grein eftir Sigurð Arnar Sigurðsson sem birtist í Skessuhorni

Síðastliðinn laugardag, þann 1. nóvember, var merkisdagur í sögu Grundaskóla og í skólasögu Akraness þegar ný og glæsileg kennslubygging skólans var formlega tekin í notkun. Sama dag var nýtt íþróttahús á Jaðarsbökkum einnig opnað, en þar fer nú fram íþróttakennsla á vegum skólans.

Lesa grein í Skessuhorni

Hrekkjavaka í Grundaskóla 2025

Fri, 31 Oct 2025 12:27:12 GMT

Mikil gleði á Hrekkjavöku í Grundaskóla.

Lestrarkeppni milli árganga

Thu, 30 Oct 2025 10:24:25 GMT

Lestarkeppni sem lýkur 11. nóvember

Lestrarkeppni skólans í 1. - 7. bekk, hófst þriðjudaginn 28. október og lýkur þriðjudaginn 11. nóvember.

Markmiðið er að hvetja nemendur til aukins heimalesturs.

Keppnin fer vel af stað og sem dæmi eru krakkarnir í 6. bekk mjög metnaðarfull og ætla sér að vinna keppnina.

Áfram krakkar verum öll dugleg að lesa.

4. bekkur skemmti sér vel

Thu, 30 Oct 2025 10:14:10 GMT

GAMAN Í SNJÓNUM

Nemendur í 4. bekk hafa nýtt sér snjóinn og fallegt vetrarveður til útiveru og leikja á skólalóðinni.

Myndir segja meira en 1000 orð.

Rófur skornar

Wed, 29 Oct 2025 14:56:25 GMT

Skorið í rófur í tilefni Hrekkjavöku

Nemendur í aðalvali skáru í rófur í tilefni af Hrekkjavöku

Appelsínugul veðurviðvörun

Tue, 28 Oct 2025 14:34:08 GMT

Akraneskaupstaður hvetur forsjáraðila til að fylgja börnum í eða úr skóla eða frístundastarfi.

Akraneskaupstaður vill vekja athygli íbúa á að Veðurstofan hefur gefið út appelsínugula veðurviðvörun fyrir Faxaflóa og Akranes. Viðvörunin tekur gildi frá og með klukkan 14.00 í dag og mun standa fram eftir degi.

Líkur eru á mikilli snjókomu, skafrenningi og lélegu skyggni.

Sjá frétt á heimasíðu

Skólakór Grundaskóla

Mon, 27 Oct 2025 08:27:58 GMT

Skólakór Grundaskóla kom fram á Þjóðahátíð sem haldin var síðastliðinn sunnudag í íþróttahúsinu á Vesturgötu við mikinn fögnuð áheyrenda.

Stjórnandi er Lilja Margrét Riedel.

Margrét Iðunn Benediktsdóttir lék á fiðlu.

Tónleikarnir verða endurteknir seinna á önninni svo fleiri fái að njóta.

Þemaverkefni í 8. bekk

Mon, 27 Oct 2025 08:10:38 GMT

Þemaverkefni um mannréttindi

Þessa dagana er 8. bekkur að vinna þemaverkefni um mannréttindi.

Nemendur lesa meðal annars bókina Vertu ósýnilegur - flóttasaga Ishmaels.

Bókin fjallar um dreng frá Sýrlandi sem flýr stríðsátök í heimalandi sínu og þarf að ferðast hættulega leið í leit að betra lífi.

Nemendur horfðu á heimildarmynd um Hvítu hjálmana sem eru hjálparsamtök í Sýrlandi með sjálfboðaliðum sem sérhæfa sig í rústabjörgun.

Eitt af verkefnunum var líka að kynna fyrir nemendum ákveðnar greinar

Mannréttindasáttmála Sameinuðu þjóðanna þar sem fjallað er um réttindi fólks. Í vinnuferlinu búa nemendur til sína eigin bók.

KVENNAVERKFALL FÖSTUDAGINN 24. OKTÓBER

Thu, 23 Oct 2025 13:19:34 GMT

Skóli fellur niður föstudaginn 24. október vegna kvennaverkfalls

Eins og fram hefur komið í fréttum hafa á sjötta tug samtaka kvenna, launafólks og fleiri hagsmunahópa boðað til kvennaverkfalls föstudaginn 24. okt.

Af þeim sökum er ekki hægt að halda úti skólahaldi í Grundaskóla þennan dag en rúmlega 90% starfsmanna eru konur . Augljóst er að þessar aðgerðir munu hafa mikil áhrif á allt samfélagið.

Ef einhver er í miklum vandræðum vegna þessa verkfalls má hafa samband skrifstofu skólans 4331400 eða á netfangið grundaskoli@grundaskoli.is og við athugum hvort við getum eitthvað gert til að aðstoða.

Skólastjórn

Laufblaðaleiðangur

Wed, 22 Oct 2025 11:04:55 GMT

1. bekkur í laufblaðaleiðangri

Síðustu daga hefur 1. bekkur verið að safna laufblöðum.

Meðfylgjandi myndir eru frá leiðangri í Grundahverfið, þar sem hópnum var boðið í garð kennara skólans.

Vetrarleyfi Grundaskóla

Fri, 17 Oct 2025 11:14:54 GMT

Kæru foreldrar/forráðamenn

Næstkomandi mánudag 20. og þriðjudag 21. október er vetrarleyfi í Grundaskóla og fellur kennsla niður þessa tvo daga. Skólastarf hefst að nýju samkvæmt stundaskrá miðvikudaginn 22. október.

Samvera foreldra og barna er frábær forvörn og nú er einstakt tækifæri til að efla tengslin enn frekar. Það er alltaf hægt að njóta samverustunda með fjölskyldunni og hér má finna hugmyndir af margvíslegri afþreyingu sem börn og fjölskyldur geta notið saman heima við og utan dyra.

Við óskum fjölskyldum alls hins besta í vetrarleyfinu.

Kær kveðja,
Starfsfólk Grundaskóla

Fréttir frá 2. bekk

Fri, 17 Oct 2025 08:47:54 GMT

Við í öðrum bekk erum komin á fullt í vetrarstarfið.

Hjá okkur eru verkefni vertrarins mikið tengd Stóru bókinni-bókinni um okkur. Þá vinnum við fjölbreytt verkefni um okkur sjálf og límum þau í bókina. Bókin verður tilbúin í vor og þá munum við halda sýningu fyrir foreldra okkar.

Stöðvavinna er einnig stór þáttur í starfinu okkar bæði í íslensku og stærðfræði. Þá vinnum við ýmist í blönduðum hópum eða inni í bekk.

Við fengum Breka lögreglu til okkar í heimsókn með umferðafræðslu. Aðal áherslan var á öruggustu leiðina í skólann og notkun hjálma og endurskinsmerkja.

Útikennslan okkar er á sínum stað og förum við yfirleitt á útikennslusvæðið okkar við skógræktina. Við leggjum áherslu á samskipti, gleði, úthald og seiglu. Við vinnum oft verkefni sem tengjast því sem við erum að læra í skólanum og þar er fjölbreyttni og sköpun í fyrirrúmi. Nemendur læra að njóta að vera í náttúrulegu umhverfi í vinnu og frjálsum leik.

Samvinna náttúrufræði og heimilisfræði

Tue, 14 Oct 2025 12:54:47 GMT

Frá náttúru til matar.

Nemendur tóku þátt í skemmtilegu og fræðandi þverfaglegu verkefni þar sem náttúrufræði og heimilisfræði sameinuðu krafta sína.

Í náttúrufræðitíma fóru nemendur út og tíndu ferskan rabarbara í nærumhverfinu. Í framhaldinu nýttu þau afraksturinn í heimilisfræðistofunni þar sem þau elduðu ljúffenga rabarbarasultu og bökuðu girnilega rúllutertu.

Markmið verkefnisins var að efla skilning nemenda á sjálfbærni og mikilvægi þess að nýta það sem náttúran býður upp á. Með því að fylgja ferlinu frá uppskeru til afurðar lærðu nemendur um uppruna matarins, næringargildi og verklag við matargerð.

Verkefnið var vel heppnað og vakti mikla ánægju meðal nemenda – og ekki skemmdi bragðið fyrir!

Fréttabréf Grundaskóla - Október 2025

Mon, 13 Oct 2025 14:14:48 GMT

Íþróttakennsla fyrstu vikurnar á skólaárinu

Mon, 13 Oct 2025 12:36:37 GMT

Líf og fjör í íþróttum

Fyrstu vikurnar í íþróttakennslunni hafa gengið vonum framar en við höfum verið í útikennslu og í Akraneshöll.

Þar höfum við farið í fjölmarga leiki og stöðvar. T.d. Sparkó, höfðingjaleik, frjálsar stöðvar, dans, fótbolta, handbolta, stangarbolta, blak, badminton, boðhlaup, skotboltaleiki ásamt ýmsu öðru skemmtilegu.

Nýja íþróttahúsið fer alveg að verða klárt í notkun, nemendur og kennarar bíða spenntir eftir að komast inn í flotta íþróttahúsið okkar ��

Fréttir úr 10. bekk

Mon, 13 Oct 2025 12:28:16 GMT

Mikið um að vera hjá krökkunum í 10. bekk

Vítahringur í 7. bekk

Fri, 10 Oct 2025 10:20:15 GMT

Skemmtileg bók um hinn 12. ára gamla Grímkel

Í 7. bekk hefur verið hefð fyrir því að lesa bókina Vítahringur, sem er að hluta til byggð á Harðar sögu.

Skemmtileg bók um hinn 12 ára gamla Grímkel Harðarson sem leiðir okkur í gegnum ævintýri í Hvalfirði.

Nú erum við að hefja 8 vikna lestrar- og verkefnaferðalag þar sem við lesum bókina saman og vinnum skemmtileg og fjölbreytt verkefni tengd sögunni.

Fyrsta vikan er liðin og hér má sjá myndir af nemendum af miklum áhuga og metnaði í vinnu.

Við hlökkum til að fylgjast með áframhaldinu og sjá hvernig verkefnin þróast næstu vikurnar

Verk úr smiðju

Thu, 09 Oct 2025 15:08:00 GMT

Verkfærakista búin til í smiðju

Nemendur í sjöunda bekk hafa smíðað verkfærakistu í haust.

Við verkefnið læra þau á sög, þvingu, þjalir og skrúfuvélar.

Í lokin settu þau öll persónulegan blæ á verkefnið sitt.

Boltabað

Thu, 09 Oct 2025 14:44:33 GMT

Veglegur styrkur frá Oddfellow stúkunni Ásgerði á Akranesi

Grundaskóli fékk á dögunum veglegan styrk til kaupa á boltabaði fyrir stoðþjónustu skólans.

Boltabaðið mun nýtast nemendum til slökunar, örvunar og skynúrvinnslu. Þetta er frábær viðbót við þau úrræði sem skólinn hefur upp á að bjóða til að styðja við vellíðan og nám allra nemenda.

Börnin sem þegar hafa notað boltabaðið eru mjög ánægð með þessa nýju viðbót og hafa notið sín vel.

Við þökkum Oddfellow stúkunni Ásgerði á Akranesi kærlega fyrir rausnarlegan styrk og áhuga á velferð barna í skólanum okkar.

Slíkur stuðningur skiptir miklu máli og gerir okkur kleift að efla stoðþjónustuna enn frekar.

Góðir gestir í Grundaskóla

Wed, 08 Oct 2025 07:40:50 GMT

Á mánudag fengum við góða gesti ,,fyrrum starfsmenn Grundaskóla" í heimsókn á sjálfan afmælisdag skólans.

Gestirnir skoðuðu nýbygginguna og áttu notalega stund saman þar sem rifjaðar voru upp gamlar minningar úr Grundaskóla.

Heimsókn á Starfamessu Vesturlands

Fri, 03 Oct 2025 12:42:52 GMT

9. og 10. bekkur fór á Starfamessu Vesturlands í FVA í dag.

Um 40 fyrirtæki, stofnanir og menntastofnanir kynntu störf, starfsgreinar og menntunartækifæri fyrir nemendum.

Markmiðið með messunni var að kynna fjölbreytt náms- og atvinnutækifæri á Vesturlandi og skapa beint samtal á milli nemenda og atvinnulífsins.

Frábært tækifæri fyrir nemendur til að kynna sér framtíðarmöguleika betur, bæði varðandi nám og störf.

STARFAMESSA Í FVA

Thu, 02 Oct 2025 10:16:45 GMT

HVAÐ ÆTLAR ÞÚ AÐ VERÐA?

9. og 10. bekkur í Grundaskóla fer á STARFAMESSU í FVA þar sem fyrirtæki og stofnanir kynna störf, atvinnuvegi og framtíðamöguleika fyrir nemendum FVA og öllum áhugasömum á Vesturlandi, föstudaginn 3. október frá kl 9-14.

Grunnskólar á svæðinu koma í heimsókn og húsið verður opið frá 12 á hádegi fyrir gesti og gangandi.

Fylgstu með starfamessa25 á insta.

Snjallvagninn ( SMARTBUS)

Tue, 30 Sep 2025 14:08:11 GMT

Snjallvagninn er fyrir nemendur í 5. - 10. bekk um netöryggi

Í dag fengu nemendur í 5. – 10. bekk fræðslu um netöryggi og vellíðan á netinu með Lalla töframanni.

Þessi fræðsla er á vegum Snjallvagnsins (SMARTBUS) sem er verkefni unnið af Insight og Huawei í samstarfi við Heimili og Skóla og SAFT.

Verkefnið snýst um könnun og fræðslu og hefur það að markmiði að hvetja krakka til að hugsa betur um netöryggi, hegðun sína á samfélagsmiðlunum og á netinu yfirleitt.

Alltaf stuð í unglingadeildinni

Tue, 30 Sep 2025 12:11:25 GMT

Stuð í unglingadeild þegar nýnemar eru boðnir velkomnir

Árlegi nýnemadagurinn var fullur af gleði og gaman eins og sést á myndbandinu og myndunum.

Hefð er fyrir því að bjóða 8. bekk velkomin í ungingadeildina og svo er nýnemaball um kvöldið.

Samlestur

Wed, 24 Sep 2025 10:18:19 GMT

Skref fyrir skref undirbúum við uppsetningu

Skref fyrir skref undirbúum við uppsetningu á söngleiknum Smell.

Í dag er samlestur hjá stórum hópi nemenda sem vinnur sem einn maður að stórri og glæsilegri uppsetningu á söngleik.

Smellur verður frumsýndur á sal skólans í byrjun nóvember nk.

Skipulagsdagur 22.09.2025

Tue, 23 Sep 2025 08:56:12 GMT

Margt var um manninn í dag í Víkurskóla þegar sameiginlegur starfsdagur Grundaskóla, Stapaskóla og Víkurskóla var haldinn.

Fróðlegur og skemmtilegur skipulagsdagur í dag.

Þrír öflugir skólar leggja saman krafta sína í sprotastarfi.

Fyrsta skrefið af vonandi mörgum til að stuðla að framförum í námi og kennslu.

https://www.facebook.com/profile.php?id=100063441866965

Líf í Grundaskóla skógræktinni

Fri, 19 Sep 2025 12:33:06 GMT

Á miðvikudaginn fóru nemendur í 7. bekk ásamt kennurum í Grundaskóla skógræktina að gróðursetja Birkitré. Þau skiptu niður verkum og hluti af hópnum reittu frá gras og tóku af dauðar greinar þar sem þurfti, aðrir stungu niður og gróðursettu ný tré. En nemendur eru búnir að fá fræðslu um sjálfbærni og hvernig á að hugsa um auðlindir okkar og náttúru.

Við fengum plöntur úr Yrkjusjóði, Skógræktarfélag Íslands.

Þetta verkefni er gert í framhaldi af náttúrufræðikennslu með Ingibjörgu Stefánsdóttur náttúrufræðikennara.

Hér koma nokkrar myndir af vinnunni þeirra:

Leiklistarstarf í blóma – nýr söngleikur í uppbyggingu

Thu, 18 Sep 2025 09:12:22 GMT

Nýr söngleikur í Grundaskóla

Líkt og síðustu ár leggur Grundaskóli áherslu á blómlegt leiklistarstarf í öllum árgöngum. Nú eru t.a.m. æfingar hafnar fyrir uppsetningu á nýjum söngleik sem er hluti af lokaverkefni 10. bekkinga við skólann.

Heill árgangur ásamt kennurum og fylgdarliði endurskipuleggur nú allt tímaplan og skiptir sér á ólíka verkþætti tengt þessari leiksýningu. Að mörgu þarf að huga s.s. að æfa leik, söng og dansatriði, útbúa leikskrá, hanna svið, vinna fjárhagsáætlun, afla styrkja o.m.fl. Nemendur, kennarar, foreldrar og skólasamfélag leggur nú í spennandi vegferð í anda starfhátta Opna skólans.

Söngleikurinn Smellur er á leið á svið í Grundaskóla í nóvember 2025

Öryggi í forgangi – 9. bekkur stendur vaktina

Tue, 16 Sep 2025 13:10:30 GMT

Það voru morgunhressir 9. bekkingar sem mættu galvaskir í gangbrautavörslu í morgun. Það er árgangur 2011 sem tekur nú við keflinu og sinnir þessu mikilvæga starfi í vetur.

Skólinn er stoltur af nemendum sínum sem taka hlutverkið alvarlega og sýna að ungt fólk getur haft raunveruleg og jákvæð áhrif á samfélagið sitt – jafnvel áður en það hefur lokið grunnskóla.

Við hlökkum til að fylgjast með þeim vaxa í hlutverkinu og vera fyrirmyndir fyrir yngri nemendur.

Frisbígolf

Wed, 10 Sep 2025 08:31:00 GMT

Frisbígolf komið í Grundaskóla

Skólalóðin okkar er enn í vinnslu og framkvæmdum hefur seinkað.

Við látum það ekki trufla okkur heldur vinnum með stöðuna.

Eitt af því nýja sem við höfum tekið upp á er að útbúa aðstöðu fyrir frísbígolf á skólalóðinni. Hér á við þar sem segir „að sníða sér stakk eftir vexti.“

Frímínútur í unglingadeild

Tue, 09 Sep 2025 11:01:14 GMT

Símalausar frímínútur í unglingadeild

Krakkarnir nota frímínúturnar vel í að efla samskipti, spila og spjalla

Göngum í skólann

Thu, 04 Sep 2025 10:06:25 GMT

Grundaskóla er skráður til leiks í Göngum í skólann

Grundaskóli er skráður til leiks í Göngum í skólann, verkefni á vegum Íþrótta- og Ólympíusambands Íslands.

Göngum í skólann var sett miðvikudaginn 3. september í fjölmörgum skólum bæði hérlendis og erlendis.

Alla miðvikudaga þar til verkefninu lýkur þann 1. október nk. munu umsjónarkennarar skrá ferðamáta nemenda sinna og er því mikilvægt að foreldrar og forráðamenn hvetji börnin til þáttöku og að nemendur noti virkan ferðamáta sem oftast.

Átaksverkefnið er orðið að árlegum viðburði í Grundaskóla og býður upp á lærdómsríka og skemmtilega leið fyrir nemendur til að fræðast um umferðarreglur, öryggi og umhverfismál.

Skólahlaupið fór fram í dag 2. september

Tue, 02 Sep 2025 13:11:23 GMT

Skólahlaupið fór fram í blíðviðri

Skólahlaupið var haldið í dag 2. september í Grundaskóla og voru hundruðir nemanda, starfsmanna og foreldra sem sprettu úr spori í blíðviðrinu eins og sést á myndunum.

Útivistarreglur breytast

Tue, 02 Sep 2025 11:01:06 GMT

Útivistartími barna breytist 1. september

Reglur um útivistartíma barna eru árstíðabundnar og taka breytingum 1. september og

1. maí ár hvert.

Á skólatíma, 1. september til 1. maí mega 12 ára börn og yngri lengst vera úti til kl. 20 en

3–16 ára börn mega lengst vera úti til kl. 22. Aldur miðast við fæðingarár.

SAMAN-hópurinn hefur um árabil hvatt foreldra til að kynna sér reglur um útivistartíma barna og unglinga og virða hann. Útivistartíminn er ekki síst mikilvægur eftir að skóli hefst enda er nægur svefn ein lykilforsenda þess að börnum og unglingum farnist vel.

10.bekkur fær heimsókn

Fri, 29 Aug 2025 10:46:54 GMT

Nemendur 10. bekkjar fengu heimsókn í vikunni þegar rithöfundurinn og fyrirlesarinn Þorgrímur Þráinsson kom og flutti fyrir þau fyrirlesturinn Verum ástfangin af lífinu. Þorgrímur náði vel til krakkanna sem hlustuðu af athygli allann tímann.

Í fyrirlestrinum fjallaði Þorgrímur um þau mikilvægu skilaboð að við uppskerum eins og við sáum. Hann ræddi við nemendur um fjölmörg mikilvæg málefni sem snerta ungt fólk, þar á meðal samskipti við vini og fjölskyldu, mikilvægi hreyfingar í daglegu lífi og þá töfra sem felast í því að setja sér markmið.

Sérstaka áherslu lagði Þorgrímur á leiðir til að rækta hæfileika sína og takast á við kvíða, sem margir unglingar glíma við. Hann deildi dýrmætum ráðum um hvernig hver og einn getur orðið betri manneskja og náð lengra í lífinu með réttri hugarfarsbreytingu

Hver og einn taki ábyrgð á eigin hamingju og velgengni, enginn fái allt upp í hendurnar.

Við þökkum Þorgrími kærlega fyrir heimsóknina og vonum að hún hafi haft jákvæð áhrif á nemendur.

Kynningar á námskeiðum

Fri, 29 Aug 2025 08:25:13 GMT

Nemendur í 8. -10. bekk fengu kynningu á námskeiðum sem boðið verður upp á í vali þessa önnina.

Nemendur fengu tækifæri til að ræða við kennara um námskeiðin og var gaman að fylgjast með áhuga þeirra.

Það eru mörg spennandi námskeið í boði en þið getið kynnt ykkur framboðið hér á heimasíðunni.

Námskeiðabraut - Örnámskeið

Wed, 27 Aug 2025 14:19:06 GMT

Í unglingadeild Grundaskóla er námskeiðabraut - Örnámskeið, fyrir 8.-10.bekk

Það er á fimmtudögum.

Nemendur fá kynningar og tækifæri til að velja sér af eftirfarandi auglýsingum þetta haustið fyrir þessar tvær lotur sem eru fyrir jól.

Námskeiðabraut -Aðalval Haust 2025

Wed, 27 Aug 2025 14:15:02 GMT

Í unglingadeild Grundaskóla er námskeiðabraut - Aðalval, fyrir 8.-9.bekk

Það er á miðvikudögum og föstudögum.

Nemendur fá kynningar og tækifæri til að velja sér af eftirfarandi auglýsingum þetta haustið fyrir þessar tvær lotur sem eru fyrir jól.

Skólasetning 2025

Mon, 25 Aug 2025 14:35:11 GMT

Skólasetning Grundaskóla fór fram á sal skólans.

Þar sem nemendur hitta sýna umsjónarkennara og samnemendur eftir gott sumarfrí.

Skólasetning Grundaskóla

Wed, 13 Aug 2025 11:50:20 GMT

Skólasetning Grundaskóla 25.ágúst

Skólasetning Grundaskóla skólaárið 2025-2026.

Verður á sal skólans mánudaginn 25. ágúst.

Nemendur mæta eftir árgöngum sem hér segir:

Kl. 08:30 1. bekkur

Kl. 09:00 2. og 3. bekkur

Kl. 09:30 4 og 5. bekkur

Kl. 10:00 6. og 7. bekkur

Kl. 10:30 8. og 9. bekkur

Kl. 11:00 10. bekkur

SKRIFSTOFA GRUNDASKÓLA

Mon, 04 Aug 2025 16:14:41 GMT

SKRIFSTOFA GRUNDASKÓLA OPNAR AFTUR EFTIR SUMARFRÍ MIÐVIKUDAGINN 6. ÁGÚST KL. 08:00

Vítahringur á YouTube

snorri@grundaskoli.is (Snorri Kristleifsson) — Wed, 18 Jun 2025 14:59:56 GMT

Nú má nálgast upptöku af söngleiknum Vítahring á YouTube rás skólans

https://youtu.be/TYS3jk3YOc4?si=XppMvnhCy-UPOmZ7

Árgangur 2009 flutti undir stjórn Einars Viðarssonar.

Hér má nálgast leikskrána

Skólaslit Grundaskóla

Tue, 10 Jun 2025 12:14:24 GMT

Það voru margir glaðir nemendur sem héldu út í sumarið

The body content of your post goes here. To edit this text, click on it and delete this default text and start typing your own or paste your own from a different source.

Starfsmenn kveðja

katrinosk@grundaskoli.is (Katrín Ósk Sigurdórsdóttir) — Tue, 10 Jun 2025 09:44:26 GMT

Starfsmenn kveðja Grundaskóla,

Barbara og Petrún kveðja okkur eftir margra ára starf í Grundaskóla.

Einnig voru kvaddir starfsmenn sem eru á leið í fæðingarorlof og önnur störf.

Viljum þakka þeim fyrir samstarfið.

Útskrift árgangs 2009

katrinosk@grundaskoli.is (Katrín Ósk Sigurdórsdóttir) — Tue, 10 Jun 2025 09:35:36 GMT

Útskrift árgangs 2009 var fimmtudaginn 5.júní, falleg stund með frábærum krökkum.

Síðustur vikurnar í 1. bekk

Fri, 06 Jun 2025 07:38:59 GMT

Sjáumst hress í 2. bekk

Gróðurhúsið við skógræktina

Thu, 05 Jun 2025 12:04:47 GMT

Skemmtileg verkefni við gróðurhúsið

Á þessu skólaári hafa nokkrir árgangar unnið að skemmtilegu verkefni við gróðurhúsið í skógræktinni.

Í haust útbjuggu nemendur matjurtagarð og settu nemendur niður hvítlauk sem verður tekinn upp næsta haust.

Einnig voru settir niður matjurtakassar og nemendur settu þar niður ýmis skemmtileg fræ og forræktaðar plöntur sem þau höfðu ræktað.

Það verður gaman að koma aftur í skólann í haust og sjá hvernig plönturnar hafa vaxið í sumar.

Kvikmyndahátið

Thu, 05 Jun 2025 08:25:26 GMT

Kvikmyndahátíð Grundaskóla

Kvikmyndahátíð Grundaskóla var haldin hátíðleg 3.júní.

Hér eru myndir frá herlegheitunum en framkomu einnig 3 hljómsveitir úr röðum skólans.

Verðlaunamyndirnar í fyrra voru endursýndar og tvær nýjar myndir sem gerðar voru á þessu skólaári: Dularkerfið og Númer dauðans. Myndirnar verða senn aðgengilegar á youtube síðu skólans.

Hátíðin í ár var skipulögð af nemendum í unglingadeild í aðavali er ber heitið Viðburðarstjórnun. Þeir fengu síðan í lok hátíðarinnar heimsókn frá syni Ernu Bjarkar, Rúnari Inga sem er atvinnumaður í kvikmyndagerð sem veitti þeim innblástur í starf innan kvikmyndageirans.

Akraneskaupstaður hlýtur viðurkenningu

Tue, 03 Jun 2025 09:56:33 GMT

Sem barnvænt sveitarfélag

Akraneskaupstaður fékk formlega viðurkenningu UNICEF sem Barnvænt sveitarfélag.

Þessum tímamótum var fagnað í dag á öllum skólalóðum bæjarfélagsins með söng og dansi.

Til hamingju með viðurkenninguna Skagamenn

Foreldraverðlaun heimilis og skóla 2025

katrinosk@grundaskoli.is (Katrín Ósk Sigurdórsdóttir) — Wed, 28 May 2025 10:16:49 GMT

Verkefnið Vítahringur var tilnefnt til foreldraverðlauna heimilis og skóla 2025.

Við erum mjög stolt af þessari tilnefningu og sýnir það okkur hversu öfluga foreldra við eigum og hversu gott samstarf er milli heimilis og skóla.

Útskrift og skólaslit 2025

katrinosk@grundaskoli.is (Katrín Ósk Sigurdórsdóttir) — Wed, 28 May 2025 08:03:50 GMT

Útskrift og skólaslit 2025

Útskrift 10.Bekkjar 2025

Er 5.júní klukkan 16:00 á sal skólans.

Skólaslit Föstudaginn 6.júní 2025

Nemendur mæta á sal skólans og að því loknu fara þeir í bekkjarstofurnar sínar

1.- 3. bekkur Klukkan 9:00

4.- 5. bekkur Klukkan 9:30

6.- 7. bekkur Klukkan 10:00

8.- 10. bekkur Klukkan 10:30.

Lokaferð 10. bekkjar

Fri, 23 May 2025 08:19:26 GMT

Útskriftarferð árgangs 2009

10.bekkur fór í lokaferð sína 14. maí sl.

Leiðin lá í Skagafjörð þar sem þau dvöldu í einmuna veðurblíðu og nutu sín í botn. Krakkarnir eyddu nánast öllum stundum utan dyra fóru í River rafting, litabolta og þrautabraut á Bakkaflöt. Þess á milli voru þau í Varmahlíð, fóru í sund, spiluðu körfu og fótbolta og nutu sólarinnar.

Frábær ferð með frábærum krökkum.

Sólskinsdagar í maí mánuði hjá 6.bekk.

katrinosk@grundaskoli.is (Katrín Ósk Sigurdórsdóttir) — Thu, 22 May 2025 11:33:34 GMT

Ef það er eitt sem börnin hafa lært þegar sólin skín á Íslandi, þá er það að nýta góða veðrið og fara út.

Sólin skín og dagarnir eru vel nýttir í útiveru.

Hér má sjá 6. bekk njóta veðurblíðunnar og leika sér í alls konar leikjum.

Hér er töluð allskonar íslenska

Thu, 22 May 2025 09:27:55 GMT

Hér er töluð allskonar íslenska

Íslenskuátak í maí „Hér er töluð allskonar íslenska“

Vel sótt fræðsluerindi fyrir foreldra i 8.-10. bekk

Wed, 21 May 2025 11:18:34 GMT

Fræðsluerindi um snjallsíma og tölvur

Áhugavert erindi um snjallsíma og tölvur fyrir foreldra í 8. til 10. bekk var haldið í Grundaskóla þriðjudaginn 20 maí sl.

Þökkum góða þátttöku foreldra

Fræðsluerindi fyrir foreldra barna í 8. - 10. bekk

Fri, 16 May 2025 11:41:04 GMT

Fræðsluerindi fyrir foreldra um snjallsímanotkun

Næstkomandi þriðjudag, þann 20.maí kl. 18 verður fræðsluerindi um snjallsímanotkun/samfélagsmiðla og tölvur fyrir foreldra barna í 8.- 10. bekk.

Framundan er sumarfrí og þá er gott að vera á verði gangvart því sem er í gangi í tækjum barnanna okkar. Þannig tökum við ábyrgð og erum í leiðinni upplýstari um það sem er í gangi.

Sumarfrístund og fleiri upplýsingar

Wed, 14 May 2025 14:15:59 GMT

Sumarfrístund - upplýsingar og skráningarhlekkir

Heimsókn á yngsta stig

katrinosk@grundaskoli.is (Katrín Ósk Sigurdórsdóttir) — Mon, 12 May 2025 14:50:46 GMT

Nokkrir nemendur í 10. bekk heimsóttu yngsta stig skólans í morgun.

Þeir fengu að aðstoða umsjónarkennara bekkjanna m.a. með lestur, stærðfræði og fleira.

Einnig spiluðu þau og spjölluðu við nemendur.

Dýrmæt reynsla fyrir 10. bekkinga sem útskrifast nú bráðum úr Grundaskóla og frábært samstarf eldri nemenda og yngri.

Sveitaferð hjá 2. bekk

Thu, 08 May 2025 07:33:41 GMT

Sveitaferð hjá 2. bekk í Miðdal í Kjós

2. bekkur fór í sveitaferð í Miðdali í Kjós.

Við fengum að skoða dýrin á bænum og þar voru meðal annars kýr, kindur og hænur. Við fengum öll að halda á litlu nýfæddum lömbum og kettlingum.

Einnig sáum við hvernig kýrnar eru mjólkaðar með róbóti en það var mjög áhugavert. Þetta var mjög skemmtileg ferð hjá okkur.

Portúgalskir kennarar í heimsókn

Thu, 08 May 2025 07:26:28 GMT

Kennarar í heimsókn í Grundaskóla

,þetta er mynd af portúgölsku kennurunum sem voru hér í heimsókn

Einn þeirra José Negaro var í Erasmusverkefni hér í Grundaskóla fyrir þremur árum. Kennararnir eru einmitt í Erasmus- verkefni. Kennararnir fengu að skoða skólann en þeir voru mjög hrifnir af því hvað skólinn er bjartur og fallegur. Þeim fannst líka frábært hvernig við höfum leyst símamálin hjá unglingunum í skólanum með skipulögðu félagstarfi og hvernig við erum með verkefnamiðað nám.

7. bekkur í Reykjaskóla

Wed, 07 May 2025 15:08:46 GMT

Þessa vikuna eru krakkarnir í 7. bekk í Reykjaskóla

Þessa vikuna eru krakkarnir í 7. bekk í Skólabúðunum á Reykjum.

Þar kynnast krakkarnir sögu svæðisins til sjávar og sveita þ.á.m. Grettissögu.

Einnig fara krakkarnir á Byggðasafnið á Reykjum og fá m.a. fræðslu um hákarla og tækifæri til að smakka hákarl. Þá er lögð mikil áhersla á að krakkarnir efli tengslin sín á milli, kynnist öðrum og efli samskiptafærni í gegnum ýmis konar hópeflisleiki.

Skólakór Grundaskóla

Tue, 06 May 2025 15:10:31 GMT

Vortónleikar skólakórs Grundaskóla

Skólakór Grundaskóla heldur sína árlegu vortónleika í Akraneskirkju miðvikudaginn 21.maí kl.18:00.

Meðlimir í kórnum eru nemendur úr 2.-7.bekk í Grundaskóla. Allir velkomnir að koma og hlusta. Hlökkum til að sjá ykkur þar.

Heimsókn á yngsta stigið

Tue, 06 May 2025 14:41:13 GMT

Heimsókn á yngsta stigið

Nokkrir nemendur í 10. bekk heimsóttu yngsta stig skólans í morgun.

Þeir fengu að aðstoða umsjónarkennara bekkjanna m.a. með lestur, stærðfræði og fleira.

Einnig spiluðu þau og spjölluðu við nemendur.

Dýrmæt reynsla fyrir 10. bekkinga sem útskrifast nú bráðum úr Grundaskóla og frábært samstarf eldri nemenda og yngri.

Sjóferð um sundin blá

katrinosk@grundaskoli.is (Katrín Ósk Sigurdórsdóttir) — Tue, 06 May 2025 12:20:11 GMT

Sjóferðin mikla um sundin blá er nú að baki og þetta var bæði virkilega skemmtileg og vel heppnuð ferð.

Börnin stóðu sig frábærlega og nutu sín vel, þrátt fyrir mjög blautt veður.

Sjóminjasafnið stóð einnig undir væntingum. Alltaf gaman að fara þangað að skoða. Að sjóferðinni og safninu loknu héldum við ferð okkar í Gufunes þar sem við enduðum daginn með pylsuveislu – í grenjandi rigningu!

Ferðin var ansi blaut, enda bæði rigning og sjór sem skvettist upp í bátinn. Margir urðu bæði kaldir og votir, en það var samt stutt í brosið. Við töluðum um mikilvægi þess að vera jákvæð og finna það góða í öllum aðstæðum – sem krakkarnir gerðu svo sannarlega.

Við tókum fullt af myndum og hvetjum ykkur til að renna yfir þær!

Bestu kveðjur,

6. bekkarteymið

Gjöf frá Kiwanis

katrinosk@grundaskoli.is (Katrín Ósk Sigurdórsdóttir) — Tue, 29 Apr 2025 07:30:59 GMT

Síðastliðinn föstudag fengu allir nemendur 1. bekkjar hjólahjálm að gjöf frá Kiwanis klúbbi Akraness.

Einnig fengu nemendur stutta fræðslu um mikilvægi þess að nota alltaf hjálm þegar verið er að hjóla og að það skiptir máli að hjálmurinn sé rétt stilltur.

Þökkum þeim kærlega fyrir þessa mikilvægu gjöf.

Vinnuskóli Akraness

katrinosk@grundaskoli.is (Katrín Ósk Sigurdórsdóttir) — Mon, 28 Apr 2025 13:30:45 GMT

Opnað hefur verið fyrir umsóknir í Vinnuskóla Akraness.

https://www.akranes.is/thjonusta/menntun/vinnuskoli

Frétt frá 1.bekk

katrinosk@grundaskoli.is (Katrín Ósk Sigurdórsdóttir) — Fri, 25 Apr 2025 12:21:25 GMT

Á miðvikudaginn 23. apríl fóru duglegu krakkarnir í 1. bekk út að tína rusl umhverfis skólann sinn.

Bestu kveðjur, teymið í 1. bekk

Fyrsti skóladagur í Nýbyggingunni

katrinosk@grundaskoli.is (Katrín Ósk Sigurdórsdóttir) — Fri, 25 Apr 2025 10:46:40 GMT

Fyrsti skóladgur í nýbyggingunni var miðvikudaginn 23.apríl.

Hérna koma nokkrar myndir frá þeim degi.

Nýbygging tekin í notkun

Tue, 22 Apr 2025 13:02:07 GMT

Nýbygging tekin í notkun eftir páskafrí

Það eru sannkölluð tímamót hjá okkur í Grundaskóla því á morgun, þriðjudaginn 23. apríl, ætlum við að taka á móti nemendum í 1.-3.bekk í ,,nýbyggingunni".

Við erum full tilhlökkunar að hefja kennslu þar og hlökkum til að taka á móti börnunum ykkar.

Á meðfylgjandi myndum sjáið þið anddyrin sem börnin eiga að koma inn um.

Pangea Stærðfræðikeppnin

Fri, 11 Apr 2025 10:55:09 GMT

Þrír fulltrúar Grundaskóla í lokaúrslit

Fulltrúar 8. bekkjar í loka úrslitum Pangea Stærðfræðikeppnar

Eftir áramót hafa krakkarnir í 8. bekk verið að taka þátt í Pangea stærðfræðikeppni. Keppnin fer þannig fram að allir krakkarnir taka þátt í fyrstu umferð og eftir það er um það bil helmingur krakkanna sem komast áfram í aðra umferð. Þessi hluti keppninar fer fram hjá okkur í skólanum.

Allir sem tóku þátt stóðu sig mjög vel og gerðu sitt besta til að að komast áfram í báðum umferðum.

Eftir aðra umferð komast einungis 50 krakkar áfram á öllu landinu í lokakeppnina sem haldin verður í Menntaskólanum við Hamrahlíð þann 17. maí.

Grundaskóli á þrjá fulltrúa í lokaúrslitum í 8. bekk og það eru þeir Daníel Rafnar Þórólfsson, Einar Orri Brandsson og Viktor Hugi Sigurgeirsson.

Við kennarar í árganginum viljum þakka öllum krökkunum fyrir þátttökuna og óskum þeim sem komust í úrslit, til hamingju.

Samsöngur fyrir Páskafrí

Fri, 11 Apr 2025 07:32:06 GMT

Gleðilega páska

Um leið og við óskum ykkur gleðilegra páska viljum við minna ykkur á að þriðjudaginn 22. apríl nk. er skipulagsdagur.

Kennsla hefst að nýju miðvikudaginn 23. apríl

Hér eru nokkrar myndir frá Páskasamsöng

Fréttir af 10. bekk # Ég lofa

Thu, 10 Apr 2025 08:39:19 GMT

# Ég lofa

Það voru fjórir nemendur úr 10. bekk sem tóku þátt í umræðum ásamt jafnöldrum sínum í tengslum við herferðina #Ég lofa, þar sem vakin er athygli á kynferðisafbrotum gegn börnum.

Umræðurnar fóru fram á netinu þar sem 5-7 ungmenni spjölluðu saman en það er mikilvægt að rödd unga fólksins heyrist. Nemendur ræddu m.a. um forvarnir, viðbrögð og stuðning.

Nemendurnir sem tóku þátt voru: Ari Úlrik Hannibalsson, Enok Logi Ásgeirsson, Margrét Magnúsdóttir og Tinna Björg Jónsdóttir.

Við erum stolt af nemendum okkar.

Ég lofa

Wed, 09 Apr 2025 14:24:18 GMT

ÉG LOFA

Við í Grundaskóla höfum tekið við áskorun frá Fjölbrautarskóla Vesturlands á vegum Barnaheilla sem snýr að baráttuttunni við kynferðisofbeldi gegn börnum og skorum á leikskólann Garðasel að gera hið sama.

Í Grundaskóla LOFUM VIÐ AÐ FYLGJAST MEÐ RAUÐU FLÖGGUNUM OG BREGÐAST VIÐ og hvetjum alla til að gera hið sama.

Vatnssíu verkefni í 8. bekk

Wed, 09 Apr 2025 10:59:43 GMT

Vatnssíu verkefni í 8. bekk

Sem hluti af náttúrufræðiverkefni í 8. bekk útbjuggu nemendur vatnssíu. Í það þurftu þau 2L flösku ásamt bómul, grysju og teyju til að búa til síu á stútinn.

Ofan í flöskuna fengu þau svo grófa möl, fína möl, fínan sand og spýtukurl til að setja í flöskuna sem notað er til að hreinsa vatnið.

Nemendur unnu tvö og tvö saman til að útbúa síuna sína með mismunandi upplýsingum. Þau drógu land í heiminum, sumir voru með góðar upplýsingar en aðrir þurftu að finna út úr því hvað virkar best. Vatnið kom misvel út.

Nemendur áttu svo að gera kynningu á landinu sínu og hvernig gekk að leysa verkefnið. Leiðbeiningarnar voru mismunandi eftir því hvaða land þau voru með. Sumir máttu nota tölvur en aðrir einungis blýant.

Opið hús í FVA

Mon, 07 Apr 2025 13:38:18 GMT

Opið hús í FVA mánudaginn 7. apríl kl. 16:30 til 18:00

Nóg um að vera hjá 9. bekk

Thu, 03 Apr 2025 14:05:43 GMT

Fréttir frá 9. bekk nóg um að vera

Við í 9. bekk höfum verið að taka þátt í ýmsum spennandi verkefnum undanfarnar vikur.

Eftir vetrarfrí hófum við aftur verkefnið Krakkar með krökkum og fékk 9. bekkur fræðslu frá Aldísi Rós áður en þau hófu að kenna 5. og 6. bekk. Þetta hefur verið bæði skemmtilegt og lærdómsríkt ferli fyrir þau.

Við fengum einnig fræðslu frá Berglindi og Ástu hjá KVAN þar sem við fræddumst um leiðtogahæfni, samskipti og fleira sem tengist því að leiða hópa og vinna saman. Þær leiddu okkur líka í fjölbreytta og skemmtilega leiki sem styrktu hópinn okkar enn frekar.

Í byrjun mars fengum við fræðandi og áhugaverðan fyrirlestur frá Ástráði, kynfræðslufélagi læknanema, sem vakti mikla umræðu og var vel tekið af nemendum.

GAURAGANGUR

Wed, 02 Apr 2025 10:53:55 GMT

Ánægjuleg heimsókn frá FVA

Það var ánægluleg heimsókn sem við fengum í morgun þegar "gamlir" nemendur okkar komu og kynntu leikritiið Gauragang sem FVA er að sýna þessa daga.

Við hvejum alla til þess að skella sér á þessa flottu sýningu.

VIð erum stolt af okkar nemendum

Blái hnötturinn í 7.bekk

katrinosk@grundaskoli.is (Katrín Ósk Sigurdórsdóttir) — Wed, 02 Apr 2025 08:36:10 GMT

Blái hnötturinn eftir Andra Snæ Magnason.

7.bekkur í Grundaskóla æfir nú leikritið Bláa hnöttinn.

Sýningar fyrir skólann fara fram í næstu viku og er frumsýning 3.apríl.

Foreldrasýningar verða í vikunni eftir.

Það einstaka við þessa uppsetningu er að leikmynd er alfarið í höndum nemenda.

Gaman var að sjá hvað allir hjálpuðust að. Æfingar hafa gengið vel og erum við nú á lokametrunum.

Leikstjórn er í höndum Lilju Margrétar Riedel.

Bingo í sal Grundaskóla

Wed, 02 Apr 2025 07:18:10 GMT

BINGO Í SAL GRUNDASKÓLA

Fréttir úr 3.bekk

katrinosk@grundaskoli.is (Katrín Ósk Sigurdórsdóttir) — Mon, 31 Mar 2025 14:40:49 GMT

Síðustu daga höfum við í 3.bekk verið að vinna með Akrafjallið og tröllskessuna Jóku.

Ýmis skemmtileg verkefni hafa verið unnin, m.a. endursögn um Jóku, málverk af Akrafjallinu og önnur fróðleg verkefni.

Við stefnum á að halda foreldrasýningu eftir páska þar sem nemendur munu fræða foreldra sína um Akraness með leik, söng og dansi.

Fréttir úr 4. bekk

Mon, 31 Mar 2025 07:55:58 GMT

Fréttir úr 4. bekk

Það var gaman að fylgjast með 4. bekk í mötuneytinu í síðustu viku þegar boðið var uppá hamborgara. Allir sátu í rólegheitum og nutu matarins

Upplestrarkeppni grunnskólanna

Fri, 28 Mar 2025 10:24:33 GMT

Daði Rafn og Sigrún Inga sigurvegarar Upplestrarkeppni grunnskólanna

Miðvikudaginn 26. mars fór fram lokahátíð Upplestrarkeppni grunnskólanna á Akranesi. Þar var boðið upp á upplestur tólf nemenda úr 7. bekkjum Brekkubæjarskóla og Grundaskóla.

Boðið var upp á ávarp og tónlist milli atriða. Valdís Marselía Þórðardóttir flutti ávarp, boðið var uppá tónlistaratriði frá Tónlistarskólanum og Zeina Carla Al-Jeber, nemandi úr 7. bekk Grundaskóla, las upp ljóð á arabísku.

Dagur íslenskarar tungu, 16. nóvember, markaði upphafið að upplestrarkeppninni líkt og fyrri ár. Þá hófst ferlið formlega og allir nemendur 7. bekkjar tóku til við æfingar á upplestri texta í bundnu og óbundnu máli. Í byrjun mars voru haldnar undankeppnir í grunnskólunum og sex bestu lesararnir úr hvorum skóla valdir til að lesa á lokahátíðinni.

Þriggja manna dómnefnd fékk síðan það krefjandi verkefni á úrslitakvöldinu að velja besta lesarann úr hvorum skóla fyrir sig. Dómnefndina skipuðu að þessu sinni þau Hallbera Jóhannesdóttir, Jakob Þór Einarsson og Þóra Grímsdóttir.

Allir þátttakendur stóðu sig með stakri prýði og eiga mikið hrós skilið fyrir frábæra frammistöðu. Niðurstaðan varð þó sú að Sigrún Inga Sigþórsdóttir var valin upplesari Brekkubæjarskóla og Daði Rafn Reynisson upplesari Grundaskóla.

Á lokakvöldinu voru einnig afhentar viðurkenningar fyrir teikningar á boðskort sem var sent á gesti hátíðarinnar. Það voru þau Helga Lind Viðarsdóttir og Rúnar Berg Vattar Hjartarson sem fengu þær viðurkenningar.

Við óskum nemendum til hamingju með góðan árangur.

Heimilisfræði í 2.bekk.

katrinosk@grundaskoli.is (Katrín Ósk Sigurdórsdóttir) — Fri, 28 Mar 2025 09:18:40 GMT

Nemendur í 2. bekk fengu nýja reynslu þegar þeir unnu í fyrsta skiptið í nýju eldhúsi heimilisfræðinnar.

Börnin höfðu mikla ánægju af því að vera í björtu og vel útbúnu eldhúsi og sagði eitt þeirra að það væri sérstaklega gaman að hafa sitt eigið eldhús.

Í þessu verkefni æfðu þau skynfærin sín og bökuðu kryddbrauð.

Í því ferli æfðu þau einnig að nota lýsingarorð til að lýsa lyktinni af kryddunum, sem gerði reynsluna enn skemmtilegri.

Börnin lýstu lyktinni á fjölbreyttan hátt, allt frá því að vera "sterk" til "fínu" og "heita." Það var greinilegt að þau voru bæði upptekin og spennt yfir því að nýta hæfileika sína í eldhúsinu!

Foreldrar þinga um samskipti og tækni

Fri, 28 Mar 2025 07:23:51 GMT

Foreldrar í 7. bekk þinguðu um samskipti og tækni

Á þriðjudag stóðu foreldrar í 7. bekk fyrir fróðlegum fræðslufundi um snjalltæki og samskiptamál.

Fyrirlesarar komu úr foreldrahópnum og fundarsókn var frábær en ríflega sextíu foreldrar eða forráðmenn úr 7. bekk mættu á fræðslufundinn. Mikil samstaða ríkti á fundinum og foreldrar sammála um að mikilvægt sé að hafa reglur um notkun síma og annarra snjalltækja. Hér gildir einfaldlega, annað hvort stjórnar maður notkun og nýtingu tækninnar eða að þér er stjórnað af tækninni.

Vonandi fylgja fleiri árgangar þessu fordæmi og standa fyrir sambærilegum fræðslufundum.

Árshátíðarpepp

katrinosk@grundaskoli.is (Katrín Ósk Sigurdórsdóttir) — Thu, 27 Mar 2025 13:16:30 GMT

Í gær var unglingadeildin með árshátíðar PEPP ásamt Brekkubæjar- og Heiðarskóla.

Öllum krökkunum var blandað saman og skipt upp í tvo hópa, annar hópurinn var í íþróttahúsinu á Vesturgötu og hinn hópurinn í íþróttahúsinu á Jaðarsbökkum.

Krökkunum var skipt í lið eftir litum og kepptu í ýmsum skemmtilegum leikjum og fengu stig fyrir.

Tilkynnt verður um vinningsliðið á árshátíðinni sem er á morgun.

Þessi dagur gekk mjög vel og við getum verið mjög stolt af unglingunum okkar

Kransakökunámskeið

katrinosk@grundaskoli.is (Katrín Ósk Sigurdórsdóttir) — Thu, 27 Mar 2025 07:31:53 GMT

Frístundanámskeið-kransakaka.

Á dögunum fór fram skemmtilegt kransakökunámskeið fyrir fermingarbörn og foreldra þeirra.

Á námskeiðinu lærðu þátttakendur að búa til fallega og bragðgóða kransakökur frá deigi til samsetningu.

Allir tóku þátt af miklum áhuga og einbeitingu, og var stemmingin í loftinu mjög góð.

Þegar námskeiðinu lauk var gleðin mikil og var óhætt að segja að bæði börn og foreldrar hafi verið mjög ánægðir með útkomuna, og hafa nú fleiri tól og tæki til að skapa eftirminnilega kökur fyrir ferminguna.

Að brjóta 1000 trönur í 7.bekk

katrinosk@grundaskoli.is (Katrín Ósk Sigurdórsdóttir) — Wed, 26 Mar 2025 09:39:13 GMT

Á fimmtudaginn í síðustu viku tóku nemendur í 7. bekk Grundaskóla þátt í fallegu verkefni. Verkefnið er styrkt af Menningarsjóði Akraneskaupstaðar og gengur undir nafninu ,,Að brjóta 1000 trönur’’.

Leiðbeinendur verkefnisins eru þær Borghildur Jósúadóttir og Bryndís Siemsen en báðar eru þær fyrrum kennarar við skólann.

Borghildur kom og kenndi nemendum 7. bekkjar að brjóta trönur, en trana er heilagur og táknrænn fugl í Japan.

Origami er aldagamalt japanskt pappírsbrot og segir þjóðtrúin að með því að brjóta 1000 trönur á einu ári verði ósk manns uppfyllt.

Trana er orðin friðartákn um allan heim og ætla Borghildur og Bryndís ásamt fleirum að brjóta 1000 trönur fyrir friði í heiminum. Okkur í 7. bekk þótti ákaflega vænt um að fá að taka þátt í þessu verkefni með þeim.

Hópefli hjá stjórn nemendaráðs

Wed, 26 Mar 2025 08:51:05 GMT

Nemendaráð Grundaskóla

Við í Grundaskóla erum svo heppin að eiga úrvals nemendaráð (NFG) sem heldur úti öflugu félagsstarfi í skólanum sem og að halda utan um ýmis hagsmunamál nemenda. Stjórn NFG er skipuð fulltrúum úr öllum bekkjum úr 8. - 10. bekk.

Í vikunni fór hópurinn í náms- og hópeflisferð til höfuðborgarinnar og skemmti sér konunglega saman. Framundan eru margir stórviðburðir s.s. árshátíð, lokaball o.fl. og því mikilvægt að fagna öflugu starfi en leggja einnig línur fyrir komandi verkefni.

Hér má sjá myndir af OKKAR fólki í stjórn NFG í þessari fjörugu en velheppnuð ferð.

Fiskar í 7. bekk

Tue, 25 Mar 2025 09:23:06 GMT

Í haust byrjuðum við í 7. bekk að læra um fiska og aðrar sjávarlífverur

Í verkefnavinnunni var lögð rík áhersla á sjálfstæð vinnubrögð og leitarvinnu þar sem krakkarnir þurftu meðal annars að leita sér upplýsinga um fiska með skrýtna lögun, bera saman tvo fiska frá ólíkum búsvæðum og segja frá sínum uppáhalds fiski.

Eitt af verkefnunum var að hanna sinn eigin fantasíufisk og búa hann síðan til úr leir. Við enduðum á því að fá fiska til þess að kryfja. Við skoðuðum innyflin og rannsökuðum líffæri fiska, bæði í víðsjá og smásjá.

Í lok dags voru fiskarnir flakaðir. Daginn eftir var hann eldaður og bragðaðist hann ljómandi vel.

FARSÆLD, SAMSTARF OG FJÖLTYNGI / Fræðslufundur fyrir foreldra af erlendum uppruna og inngilding í skólastarfi

katrinosk@grundaskoli.is (Katrín Ósk Sigurdórsdóttir) — Mon, 24 Mar 2025 14:21:38 GMT

Fréttir úr 1. bekk

Mon, 24 Mar 2025 09:15:36 GMT

Við í 1. bekk höfum verið í ýmsum verkefnum

Í þessari viku var Tannverndavika.

Við í 1.bekk horfðum á Karíus og Baktus, unnum

verkefni tengt hollt og óhollt fyrir tennurnar. Umræður um allskonar sykurmagn í

vörum. Tókum könnun á meðal nemenda hverjir væru duglegir að bursta tennur

kvölds og morgna. Ýmsan fróðleik er hægt að finna inn á Heilsuveru.

Svo fórum við í göngutúr í fallegu skógræktina okkar. Nemendur fengu verkefni að búa til fyrsta

stafinn í nafninu sínu með könglum.

Einnig var fróðleikur um Harpix sem kemur frá

trjánum, sem notað er í handboltaleikjum

Byrendalæsi

Við tókum fyrir bókina "Etna og Enok ferðast um Ísland". Stafirnir sem unnið var með

voru Æ- Í- F. Lykilorðin voru ferðalag, ærslabelgur og Ísland. Við unnum í hópunum

gulur, rauður, grænn.

Dagur Stærðfræðinnar

Við í 1. bekk tókum að sjálfsögðu þátt í degi stærðfræðinnar sem var föstudaginn 14.

mars. Í hverri stofu voru settar upp allskonar stærðfræðistöðvar allt frá því að telja,

kubba, skrifa tölustafi, vinna í ipad og margt fleira.

Skemmtileg vinna.

Tungumálið er lykillinn að samfélaginu – Akraneskaupstaður styður við íslenskunám starfsfólks

Thu, 20 Mar 2025 09:58:31 GMT

Srdan Stojanovic starfsmaður Grundaskóla

Akraneskaupstaður fagnaði þeim starfsmönnum sem hafa lagt sig fram við að læra íslensku með notkun tungumálaforritsins Bara tala . Forritið veitir fólki af erlendum uppruna tækifæri til að efla orðaforða sinn, hlustunarskilning og færni í að tala íslensku í daglegu lífi og starfi.

www.akranes.is

Foreldrafræðsla 18.mars

katrinosk@grundaskoli.is (Katrín Ósk Sigurdórsdóttir) — Tue, 18 Mar 2025 08:13:00 GMT

Sjónlistardagur 12.mars

katrinosk@grundaskoli.is (Katrín Ósk Sigurdórsdóttir) — Fri, 14 Mar 2025 13:04:12 GMT

Sjónlistadagurinn er samnorrænn myndlistardagur barna og ungmenna sem haldin er hátíðlegur ár hvert.
Dagurinn þjónar þeim tilgangi að sýna og upphefja myndlist og möguleika listgreina.

Í ár var áhersla lögð á listaverk eftir listakonuna Jen Stark.
Stark er einna helst þekkt fyrir „Drip“ verkin sín sem kviknuðu út frá lekandi málningu.

Stark nýtir vísindi og ráðgátur í verkum sínum þar sem hún setur t.d. fram sjónræn kerfi. Þau kerfi sem hún nýtir eru eins og vöxtur plantna, landfræðilegar hæðarlínur og rúmfræði.

Hér má sjá afrakstur af verkum nemenda í Grundaskóla

Mín framtíð

katrinosk@grundaskoli.is (Katrín Ósk Sigurdórsdóttir) — Thu, 13 Mar 2025 14:01:54 GMT

9. og 10.b. fóru á viðburðinn ,,Mín framtíð" í Laugardalshöll.
Fjöldi framhaldsskóla kynntu námsframboð sitt auk þess sem fram fór Íslandsmót iðn- og verkgreina.

Nemendur voru sjálfum sér og skólanum til mikils sóma.
Einnig var gaman að sjá fyrrverandi nemendur Grundaskóla bæði sem keppendur á Íslandsmótinu og sem starfsmenn.

Upplestrarkeppni 7.bekkjar

katrinosk@grundaskoli.is (Katrín Ósk Sigurdórsdóttir) — Wed, 12 Mar 2025 14:43:51 GMT

Upplestarkeppni 7. bekkjar var haldin þriðjudaginn 13. mars á sal skólans.
Alls voru 22 þátttakendur sem komust áfram eftir bekkjarkeppni.
Nemendur lásu texta og ljóð að eigin vali. Þau stóðu sig öll með stakri prýði.
Dómarar völdu sex nemendur til að taka þátt í lokakeppninni, sem verður haldin í Tónbergi miðvikudaginn 26. mars nk.
Þeir nemendur sem komust áfram eru Daði Rafn Reynisson, Fríða Snorradóttir, Hilmar Erik Héðinsson, Karítas Lilja Stefánsdóttir, Sunna Karen Ingvarsdóttir og Unnur Valdís Lúðvíksdóttir

Örnámskeið - Núvitund

katrinosk@grundaskoli.is (Katrín Ósk Sigurdórsdóttir) — Mon, 10 Mar 2025 15:05:27 GMT

Nemendur á unglingastigi í núvitund niðri á Langasandi. Þar áttu þeir að nota skynfærin sín og taka eftir 5 hlutum sem fangaði athygli þeirra.

Munum að njóta augnabliksins.

Tilraun hjá 9. bekk

Thu, 06 Mar 2025 14:30:55 GMT

Tilraun um bakteríur hjá 9. bekk

Við í 9. bekk gerðum tilraun um bakteríur.

Tilraunin gekk út á það að sjá hversu miklar bakteríur við vorum með. Við fengum agarskál með blóðagra frá Landspítalanum sem við notuðum í tilraunina.

Við byrjuðum á því að skipta skálinni með blóðagrinum í fjóra hluta, í fyrsta hlutanum áttum við að pota fingrinum ofan í blóðagrið.

Í öðrum hluta áttum við að þrífa puttann og dýfa honum aftur ofan í blóðagrið.

Svo í þriðja hluta áttum við að strjúka lyklaborðið á tölvunni okkar með eyrnapinna og dreifa því á blóðagrið og svo að lokum þrifum við lyklaborðið og strukum það aftur með eyrnapinna og svo í blóðagrið.

Þegar þessu var lokið pökkuðum við öllum agarskálunum vel inn og settum í pappakassa og geymdum kassann svo í hitakompu hér í skólanum.

Eftir tvo daga fengum við svo skálarnar til baka og áttum að skoða niðurstöðurnar. Það var áhugavert að sjá hvað var búið að gerast í skálunum þessa tvo daga.

En hjá sumum voru mun fleiri bakteríur en hjá öðrum og hvernig bakteríurnar voru minni eftir að við þrifum og sprittuðum.

Öskudagsfjör

Wed, 05 Mar 2025 11:21:41 GMT

Öskudagsfjör

Það var líf og fjör í Grundaskóla á öskudeginum

Úrslit í stærðfræðikeppni

Wed, 05 Mar 2025 09:56:13 GMT

Úrslit í stærðfræðikeppni 2025

Hamingjuóskir til allra sem tóku þátt í keppninni í ár hér sjáið þið nánari úrslit af vef FVA

3. bekkur heimsótti 9. bekk

Mon, 03 Mar 2025 09:58:44 GMT

3. bekkur kom í heimsókn í 9. bekk

3. bekkur kom í heimsókn í 9. bekk og var að kenna þeim dans

Febrúar í 1.bekk

katrinosk@grundaskoli.is (Katrín Ósk Sigurdórsdóttir) — Fri, 28 Feb 2025 11:00:12 GMT

Febrúar fréttir

28.02.2025

Allskonar vinna hefur átt sér stað í febrúar hjá 1.bekk.

Gulur, rauður, grænn, stöðvavinna í blönduðum hópum.

Skrifa fróðleikstexta um dýr í grænu stofunni, bókin Ofurhetjan var tekin í byrjendalæsi í febrúar.
Stafirnir sem unnið var með voru O, F og H. Útikennsla í skógræktinni

Gjörningur í snjónum

katrinosk@grundaskoli.is (Katrín Ósk Sigurdórsdóttir) — Wed, 26 Feb 2025 11:01:34 GMT

Gjörningur í snjónum

Í útiveru hjá 4. og 5. bekk fylgdust nemendur með grænu eldgosi í snjónum. Gaman er að gera tilraunir. Í þessu tilviki var borðediki, matarlit og uppþvottalegi hellt ofan í flösku með matarsóda.

Listaverk í stærðfræði

Wed, 26 Feb 2025 09:04:44 GMT

Stærðfræði í 6. bekk

Við í 6. bekk höfum verið að vinna með form í rúmfræði í stærðfræði. Krakkarnir fengu þau frjálsu fyrirmæli að gera listaverk en einungis nota þrjú form; trapisu, samsíðung og tígul.

Fyrsta skref var að teikna listaverkið upp í reiknisbókina. Miklar pælingar fóru í listaverkin en margir hverjir ákváðu að gera ýmiskonar fígúrur.

Næsta skref var að klippa formin, sem notuð voru í listaverkin, út á karton og raða þeim síðan rétt upp. Þannig mynduðum við fjölbreytt og skemmtileg verk.

Myndir segja meira en orð...

Samsöngur

Tue, 25 Feb 2025 09:14:06 GMT

Samsöngur fyrir vetrarfrí

Nemendur komu saman í salnum og tóku lagið saman.

Tónlistarkennarnir Kristján og Lilja Margrét skipulögðu samsönginn.

Stærðfræðikeppni grunnskóla

Thu, 20 Feb 2025 09:07:51 GMT

Stærðfræðikeppni grunnskóla 2025

Föstudaginn 14. febrúar tóku 46 nemendur úr 8. -10. bekk þátt í stærðfræðikeppni FVA.

Þetta var í 25. skipti sem keppnin er haldin en markmið hennar er að auka áhuga nemenda á stærðfræði ásamt því að vera gott tækifæri til að takast á við litróf hennar.

Við erum stolt af þeim nemendum sem tóku þátt og þeir stóðu sig vel.

Skyndihjálparnámskeið

katrinosk@grundaskoli.is (Katrín Ósk Sigurdórsdóttir) — Thu, 06 Feb 2025 08:03:23 GMT

Skyndihjálparnámskeið

The body content of your post goes here. To edit this text, click on it and delete this Í dag sótti almennt starfsfólk Grundaskóla skyndihjálparnámskeið.

Slæm veðurspá í dag og á morgun fimmtudag.

katrinosk@grundaskoli.is (Katrín Ósk Sigurdórsdóttir) — Thu, 06 Feb 2025 07:42:11 GMT

Rauðar viðvaranir.

Rauðar viðvaranir hafa nú verið gefnar út fyrir meirihluta landsins vegna þess ofsaveðurs sem spáð er á næsta sólarhring.

Við viljum vekja athygli foreldra barna í frístund á afar vondri veðurspá sem er framundan.

Í góðri samvinnu tryggjum við öryggi og forðumst óhöpp.