Bókasafn Grundaskóla

Bókasafnið er upplýsingamiðstöð skólans. Það er staðsett miðsvæðis þannig að allar leiðir liggja á bókasafnið. Á safninu er lestrar- og vinnuaðstaða fyrir nemendur skólans auk þess sem þeir hafa aðgang að tölvum til verkefnavinnu og upplýsingaleitar. Laserprentari, skanni og ljósritunarvél eru á safninu og standa nemendum og kennurum til boða.

Bókasafnskennari er Ingibjörg Ösp Júlíusdóttir bókasafns- og upplýsingafræðingur

Opnunartími

Mánudaga – fimmtudaga frá kl. 8.00 – 14.30

Föstudaga  frá kl. 8.00 – 13.20

Lokað er í hádeginu á milli kl. 12.00 og 12.30

Safnkostur

Á safninu eru skáld- og fræðirit skólans, um 16.000 eintök. Jafnframt eru tímarit, hljóðbækur, DVD diskar og myndbönd, geisladiskar og tölvuforrit. Þá eru skráðar á safninu fartölvur, myndavélar, spil og leikir og fleira.

Starfsemi

Á safninu fara fram útlán og skil á bókum og öðrum gögnum safnsins. Allir nemendur skólans fá bókasafnskort og út á það fá þeir lánaðar bækur og önnur gögn. Almennur útlánstími bóka er 3 vikur og má hver nemandi fá lánaðar tvær bækur í senn. Á safninu fer fram safnakennsla fyrir nemendur skólans og bókavörður aðstoðar nemendur við upplýsingaleit og val á bókum. 10 tölvur fyrir nemendur eru á safninu og eru þær ætlaðar til stuðnings við námið. Þá er ein gegnistölva þar sem nemendur geta öðlast færni og æfingu í leit á www.gegnir.is

Markmið

·        Stefnt er að því að safnið sé virkt í fræðslustarfi skólans.

·        Þjálfi hlustun og eftirtekt nemenda með sögulestri.

·        Efli áhuga nemenda á skáldritum.

·        Veki hug nemenda á að efla þekkingu sína með lestri fræðibóka.

·        Að kynna flokkunarkerfi safnsins, Dewey, fyrir nemendum  og auka skilning þeirra á

         uppröðun bókakostsins.

·        Að kenna nemendum markvist að nýta sér gegnir.is, landskerfi bókasafna, við

         heimildaleit.

·        Með skipulagðri safnakennslu þjálfist nemendur í notkun á gögnum safnsins við heimilda

         og upplýsingaöflun.

Reglur

·        Göngum hljóðlega um. Á bókasafninu á að vera vinnufriður fyrir þá nemendur sem þar

          vinna verkefni sín.

·        Förum vel með bækurnar. Bækur eru ekki einnota heldur fara þær í gegnum margar

         hendur. Sýnum bókunum virðingu og öðrum lesendum þá tillitsemi að krota ekki inn í 

         bækur.

·        Göngum vel um bókasafnið. Það er okkur öllum til góða að hafa snyrtilegt bókasafn þar

         sem hægt er að ganga að gögnunum vísum.

·        Tölvurnar eru eingöngu til verkefnavinnu og upplýsingaleitar. Góð umgengni í kringum

         tölvurnar er skilyrði þess að fá að nota þær.

·        Matur og drykkur er ekki leyfður á safninu.