3. febrúar 2012 09:40

Myndbönd frá Grundaskóla-TV

Einn hópurinn í þemavinnunni sá um að útbúa myndbönd í tengslum við þemað.

Hægt er að sjá myndirnar með því að smella á myndirnar hér að neðan.

2. febrúar 2012 13:38

Myndir frá öðrum degi þemadaga

Það var mikið um að vera í dag þegar að annar dagur þemdaganna fór fram. Nemendur voru glaðir og allir sáttir við sitt.

Hægt er að sjá myndir með því að fara á myndasíðu skólans eða með því að smella hér. 

1. febrúar 2012 14:34

Skólakórinn syngur Bæjarblús

Í tilefni af þemaviku skólans „Akranes  70 ára“ tók skólakórinn sig til og æfði lag sem við köllum Bæjarblús. Lagið er gamall amerískur blús en ljóðið gerði Valgerður Jónsdóttir kórstjóri. Við hvetjum alla til að prófa að syngja með. Ljóðið er svona:

Ein á báti, úti að róa,
stödd á miðjum Faxaflóa,
stefnum Skagann á.

Fyrstan lít ég sandinn langa,
ljúft nú væri þar að ganga,
ösla öldurnar.

Akrafjallið yfirgnæfir,
Háihnúkur, nafnið hæfir.
Berjadalur blár.

Hér í bænum saman búa,
ungir, gamlir, allir hlúa
Akranesi að.
 

Hægt er að sjá myndband með kórnum með því að smella á myndina hér að neðan.

1. febrúar 2012 14:11

Þema í Grundaskóla

Í dag hófust þemadagar í skólanum. Viðfangsefnið er Akranes í 70 ár í tilefni 70 ára kaupstaðarafmæli bæjarins í sumar.  Allur skólinn er í þessu þema og er öllum börnunum í skólanum blandað þvert á aldur. Þannig að í öllum hópum eru börn úr 1. upp í  10. bekk. Flestir hópar munu fara eitthvað út, skoða söfn,  ganga um bæinn, ferðast með strætó eða eru í íþróttatengdum hópum. Einnig fer fram fjölbreytt og skemmtileg vinna innan veggja skólans, t.d. er unnið með þjóðsögur og ævintýri, tónlist, sjómennsku, örnefni og Akranes í framtíðinni. Allt sem tengist Akranesbæ. Þemað mun standa yfir fram á næstkomandi þriðjudag.  

Myndir frá þemadögum má sjá með því að fara á myndasíðu Grundaskóla eða með því að smella hér.

31. janúar 2012 10:06

Hátónsbarkakeppnin 2012 - Myndband

 Hin árlega Hátónsbarkakeppni grunnskólanna á Akranesi og Arnardals, fór fram í janúar . Þessi keppni hefur verið fastur liður í starfi grunnskólanna síðan 1988. Margir góðir söngvarar hafa einmitt stigið sín fyrstu skref í þessari keppni. Síðustu árin hefur það jafnframt verið hefð að sigurvegarar í þessari keppni fara síðan í Samféskeppnina á Vesturlandi en sigurvegari í þeirri keppni tekur síðan þátt í úrslitakeppni Samfés í Reykjavík. Sigurvegarar voru þær Sigurlaug Rún Hjartardóttir frá Grundaskóla og Hjördís Tinna frá Brekkubæjarskóla en hún gerði sér lítið fyrir og sigraði áðurnefnda Samféskeppni Vesturlands í kjölfarið. Ef smellt er á tengilinn hér fyrir neðan má horfa á svipmyndir frá keppninni.

http://www.youtube.com/watch?v=5Qh6jZDijAA

27. janúar 2012 08:57

Söngleikur í Grundaskóla

Í ár verður frumsýndur söngleikurinn Nornaveiðar. Söngleikurinn er sá fimmti í fullri lengd úr smiðju þeirra Einars Viðarssonar, Flosa Einarssonar og Gunnars Sturlu Hervarssonar.
Áheyrnaprufur voru haldnar og nú í síðustu viku hófu 28 nemendur úr Grundaskóla æfingar á söngleiknum. Alls koma um 60 nemendur að verkinu.
Þessa dagana standa yfir upptökur á geisladiski með tónlist úr verkinu og kemur diskurinn út rétt fyrir frumsýningu sem verður 25. febrúar.

Við munum fylgjast með ferlinu hér á heimasíðu skólans. 

26. janúar 2012 15:05

Myndir frá Hátónsbarkakeppninni

Á þriðjudag fór fram Hátónsbarkakeppnin og var hún haldin í Grundaskóla.

Við fengum Kristinn Pétursson, myndasmið með meiru, til að leyfa okkur að birta myndirnar sem hann tók á keppninni.

Þær má sjá með því að fara á myndasíðu Grundaskóla eða smella hér. 

26. janúar 2012 15:03

Skákmót á miðstigi

Dagur skákarinnar er í dag í tilefni af 77 ára afmæli Friðriks Ólafsson. Á miðstigi var blásið til skákmóts. Flestir bekkir héldu bekkjarskákmót og svo tefldu bekkjarmeistararnir til úrslita, í drengja- og stúlknaflokk. Sigurvegararnir stóðu svo uppi sem miðstigsmeistarar Grundaskóla 2012.      Hjá strákunum sigraði Sigurður Hrannar í 6.KDM með fullt hús stiga og hjá stelpunum voru þær jafnar í efsta sæti Hafdís Guðrún í 6.EJ og Elina í 5.VS.

26. janúar 2012 14:52

Tveir duglegir í mokstri

Þeir voru hressir félagarnir Sigurður Þór og Sigurður Arnar í morgun. Mættu snemma til vinnu og mokuðu tröppurnar hjá yngsta stigi. Eftir moksturinn var settur hálkubani á tröppurnar. Við í 1. og 2. bekk erum ótrúlega þakklát fyrir framtakið.

26. janúar 2012 08:00

Stóra bókin í 2. bekk

Þessa dagana standa skólaliðarnir Gunna og Gurra í stórræðum. Þær eru að líma Stóru bókina saman fyrir 2. bekk. Nemendur eru búnir með kápurnar á bókina og eru Gunna og Gurra að setja bækurnar saman.

Kveðja, 2. bekkur

25. janúar 2012 02:48

Snjókarlakeppni

Í gærmorgun og í morgun efndi hún Habba, skólaliði á yngsta stigi, til keppni í snjókallasmíði. Nemendur tóku þessu verkefni Höbbu vel og voru mjög dugleg að búa til snjókalla.

Hér að neðan má sjá tvær myndir sem teknar voru í morgun.

25. janúar 2012 08:14

Hátónsbarkakeppninni lokið

Í gærkvöldi fór fram Hátónsbarkakeppni Grunnskólanna. Keppnin fór fram í Grundaskóla og voru þar mættir margir áhorfendur sem skemmtu sér konunglega.

Í þetta sinn voru það þær Hjördís Tinna Pálmadóttir sem varð Hátónsbarki Brekkubæjarskóla og Sigurlaug Rún Hjartartdóttir sem varð Hátónsbarki Grundaskóla.

Bjartasta vonin var Halla Jónsdóttir og bestu sviðsframkomuna átti Halldór Axel Axelsson.

Við komum væntanlega með myndir frá kvöldinu bráðlega og setjum hingað á netið.

25. janúar 2012 08:07

Samsöngur og skemmtiatriði

Nú á dögunum var samsöngur hjá 5. og 6. bekk. Þessi samsöngur var þó ekki hefðbundinn því í þetta sinn tróðu nemendur upp með skemmtiatriðum. Allir voru kátir með þessa breytingu og heppnaðist hún vel. Nokkrar myndir má sjá með því að fara á myndasíðu skólans eða smella hér. 

23. janúar 2012 01:35

Hátónsbarki grunnskólanna

Hátónsbarkakeppni grunnskólanna á Akranesi fer fram á morgun, þriðjudaginn 24. janúar, í sal Grundaskóla og hefst klukkan 20:00. Þar keppa 10 atriði um nafnbótina hátónsbarkinn og að auki eru skemmtiatriði.

Allir eru velkomnir, verð er 500 fyrir nemendur skólanna en 1000 kr fyrir fullorðna. 

Við skorum að sjálfsögðu á alla að koma og sjá skemmtilega keppni.

23. janúar 2012 10:00

Heimsókn frá Dýraeftirlitsmanni Akraneskaupstaðar

Á föstudaginn fengum við góða heimsókn í 1. og 2. bekk.  Snorri Guðmundsson dýraeftirlitsmaður bæjarins kom í heimsókn.  Hann hafði með sér hundana sína tvo,  þá Mugg og Barón og talaði við börnin um umgengni.

Snorri fór yfir nokkrar reglur sem gott er að hafa í huga þegar við hittum hunda.

Reglurnar eru eftirfarandi:

1. Þegar við hittum lausan hund eigum við að standa kyrr og horfa á tærnar á okkur - ALLS EKKI hlaupa

2. Við eigum aldrei að horfa beint í augun á hundum

3. Við eigum alltaf að spyrja um leyfi ef okkur langar til að klappa hundum

4. Við megum aldrei taka leikföng eða bein af hundum

5. Við megum ekki vera með læti í kringum hunda

6. Við megum ALLS EKKi trufla hund sem er að borða

Þegar Snorri var búinn að fara vel yfir þessar reglur fengu þau börn sem vildu að koma til hans og klappa hundunum.  Í þessari viku ætlar hann að koma aftur og heimsækja 3. og 4. bekk.

Við þökkum Snorra kærlega fyrir komuna, þetta var mjög gagnlegt.
 

23. janúar 2012 08:12

Bóndadagurinn í 5. SÓ

Á bóndadaginn kom Sigga Óla með þorramat fyrir bekkinn sinn. Þeir sem vildu gátu smakkað en sumir voru vanir og borðuðu af bestu lyst. Síðan fengu nemendur yngsta stigsins að smakka á hákarli og þorramat. Margir voru mjög duglegir. Hákarlaþef lagði um svæðið og fannst krökkunum spennandi að fá að prófa.

20. janúar 2012 11:12

Bóndadagurinn í Grundaskóla

Í dag er bóndadagurinn og í tilefni þess voru nokkrir bekkir sem héldu upp á daginn á ýmsan hátt.

Nokkrar stúlkur buðu strákunum í bekknum sínum upp á kökur, aðrar upp á snakka og svo horfðu einhverjir á video.

Í 2. bekk kom Snorri hundaeftirlitsmaður í heimsókn með hunda sína tvo og kenndi krökkunum hvernir þau eiga að haga sér í kringum ókunnuga hunda.

Hægt er að sjá myndir með því að fara á myndasíðu Grundaskóla eða smella hér. 

20. janúar 2012 10:20

Þemakaffi á miðstigi

Kaffistofuráðið miðstigsins, sem eingöngu er skipað karlmönnum, hefur staðið fyrir ýmsum umbótum og uppákomum á kaffistofu miðstigs í vetur. Í gær, daginn fyrir bóndadag, störtuðu þeir vorþemakaffi stigsins. Þetta þema fer þannig fram að á fimmtudögum koma starfsmenn með veitingar handa hinum á stiginu og fram á vor verður ákveðið þema í gangi í hvert sinn.
Þeir Elís Þór og Sjonni byrjuðu þemað og höfðu hollustu og hreysti hávegum. „Skyrbúst“ var þema dagsins fyrsta kaffitímann og voru starfsmenn hæstánægðir með framtakið.
Spennandi verður að sjá hvað verður á boðstólunum að viku liðinni.
Meðfylgjandi eru tvær myndir sem teknar voru í þessum kaffitíma.

2. og 8. bekkur í samstarfi

1. bekkur að syngja

Heimsókn á Byggðarsafnið

Eineltiskönnun komin inn á vefinn

Símkerfi Grundaskóla komið í lag

Símkerfið bilað í Grundaskól

Matseðill fyrir Janúar og Febrúar

Starfsdagur í dag

Gleðilegt nýtt ár

Gleðileg jól

Litlu jólin - myndir

Litlu jólin 20. desember í Grundaskóla

Jólakortasamkeppni Grundaskóla

Jólasögur í 7. bekk

"Rauður dagur"

Jólaball