current_id:8097

Söngheimsókn á Akrasel

5. mars, 2019

Í síðustu viku fór yngri hópur Skólakórs Grundaskóla í heimsókn á leikskólann Akrasel. Mikil eftirvænting var hjá krökkunum enda voru margir kórfélaganna sjálfir á leikskólanum fyrir nokkrum árum. Kórinn söng nokkur lög fyrir áhugasama áhorfendur. Að lokum sungu allir saman nokkur góð leikskólalög og dönsuðu hinn bráðskemmtilega Öskudagsdans. Stefnan er sett á fleiri leikskólaheimsóknir í vor. Nóg er um að vera í kórastarfinu hjá Skólakórnum en helgina 15. -17. mars verður Landsmót barna- og unglingakóra haldið á Akranesi og er eldri hópur kórsins í gestgjafahlutverki í þetta sinn.